«Gaýhartas» dramasy qoıylǵannan bastap bul án kórermen júreginen oryn alyp, halyq arasynda tez tarady.
Mýzykalyq jas kórermen teatry ártisteriniń oryndaýyndaǵy «Qudasha» áni búginde respýblıkamyzdyń túkpir-túkpirindegi orta mektepter men kolejderdegi oqýshylardyń, joǵary oqý orny stýdentteriniń arasynda keń tanymaldylyqqa ıe boldy, dep habarlaıdy Almaty-akshamy.kz Elorda.info saıtyna silteme jasap.
Jýyrda áleýmettik jelide keń taraǵan bul beıneúziktiń Qytaı Halyq Respýblıkasynyń mektep oqýshylary men stýdentteriniń arasynda da trendke aınalǵan vıdeolary tarady.
Astanadaǵy Mýzykalyq jas kórermender teatrynyń baspasóz hatshysy Ádilǵazy Kereevtiń aıtýynsha, «Gaýhartas» mýzykalyq dramasyndaǵy oryndalatyn ánder premera bolǵan kúnnen bastap kórermen júreginen oryn alyp, halyq arasynda tez tarady.
Ásirese, halyq áni «Qudasha» aınalasy 2-3 aptanyń ishinde ınstagram, Tik-Tok sekildi áleýmettik jelilerde mıllıondaǵan tyńdarmanyn taýyp, súıikti týyndyǵa aınalyp shyǵa keldi.