Qazaqstanda 10 myńǵa jýyq saılaý ýchaskesi quryldy.
QR İshki ister mınıstri Marat Ahmetjanov Qazaqstan Respýblıkasy Parlamenti Májilisi men máslıhat depýtattaryn saılaý kúni qosymsha polısıa kúshteri jumyldyrylatynyn aıtty, dep habarlaıdy Almaty-akshamy.kz
Mınıstrdiń sózinshe, Qazaqstanda 10 myńǵa jýyq saılaý ýchaskesi quryldy. Olardy polısıa kúzetedi.
"Bizde 10 myń saılaý ýchaskesi bar. Biz olardy kúzetýge mindettimiz, sondyqtan qosymsha kúshter tartylady. Ol jerge saılaý búletenderi ákelingen kezde, olar táýlik boıy kúzetiledi, buǵan qosa qoǵamdyq qaýipsizdikti qamtamasyz etý úshin bizdiń patrúlder naq sol ýchaskelerge jaqyn mańdaǵy sheńberdi nazarda ustaıdy. Negizinde, baıqamaǵan bolarsyz, kún saıyn jalpy sany 12 myń adam bolatyn patrúlder aýysymmen shyǵyp, sizdiń tynyshtyǵyńyz ben qaýipsizdigińizdi qamtamasyz etedi", - dedi Marat Ahmetjanov.