Maska - koronavırýstan qorǵaný sharalarynyń biri
QR Densaýlyq saqtaý mınıstrligi Sanıtarlyq-epıdemıologıalyq baqylaý komıtetiniń tóraıymy Aıjan Esmaǵambetova qoǵamdyq oryndarda medısınalyq betperde kıý máselesin qozǵady, dep habarlaıdy Almaty-akshamy.kz
«Maska kıý mindetti bolyp tabylady. Vaksına saldyrǵan adamdar da aýrýy múmkin ekeni belgili. Degenmen, vaksınasıalanǵan azamattar áli de ınfeksıaǵa beıim emes jáne aýrýǵa ońaı tózedi. Sondyqtan búginde álem boıynsha eshkim maska taǵý rejımin alyp tastaǵan joq»,- dep habarlady Esmaǵambetova.
Onyń aıtýynsha, álemde eshkim qorǵanys maskalarynan bas tartýǵa bolatyn naqty kúndi aıta almaıdy.
«Endi eshkim sizge naqty kúndi aıtpaıdy, bul kóp faktorly áreketterdiń nátıjesi. Biz neǵurlym baıaý vaksınasıalasaq, vırýstyń taralýy soǵurlym kóp bolady jáne mýtasıa múmkindigi de joǵary bolady. Al vırýstyń mýtasıasyn búginde boljaý múmkin emes. DDSU vırýsty qaýipti mýtasıalarǵa bóledi, olardy baqylaý qajet», - dep túsindirdi vedomstvo basshysy.
Onyń aıtýynsha, DDSU ujymdyq ımýnıtet deńgeıi boıynsha kórsetkishterdi qaıta qarady, ony qalyptastyrý úshin halyqtyń 60%-yn emes, 80%-yn vaksınasıalaý qajet. Sonda ǵana adamdar qalypty ómirge orala alady.
«Biz bárimiz maskalardan sharshadyq, biraq, bul koronavırýstan qorǵaný sharalarynyń biri», dep túıindedi Esmaǵambetova.