Qazaqstan táýelsizdigi men Semeı ıadrolyq synaq polıgonynyń jabylýynyń 30 jyldyǵyna arnalǵan «Iadrosyz álem» fotokórme qanat jaıdy
Ekspozısıada polıgon jáne ıadrolyq jarylystardyń saldary beınelengen fotosýretter men tarıhı qujattardy kórýge bolady. Sondaı-aq kórme qonaqtary qazaq mýzykasyn tyńdap, Qazaqstan týraly aǵylshyn jáne koreı tilderindegi kitaptarmen tanysa alady. Ekspozısıanyń taǵy bir bóliginde zamanaýı Qazaqstannyń sýretteri qoıylǵan, dep habarlaıdy Almaty-akshamy.kz
Kórmeni Qazaqstan Respýblıkasynyń Tuńǵysh Prezıdenti – Elbasy kitaphanasy men Koreıadaǵy elshilik uıymdastyrǵan. Koreıalyqtar úshin «Iadrosyz álem» kórmesiniń mańyzy zor. Qazir olar Qazaqstannyń ıadrolyq qarýdan bas tartý tájirıbesin zertteý ústinde. Ońtústikkoreıalyqtar Soltústik Koreıa bıligi de ıadrosyz álem bastamasyna qosylady degen úmitte.
«Men Semeı ıadrolyq polıgonynda bolyp, ıadrolyq qarýy bar memleketter ıadrosyz álem qurý úshin bar kúsh-jigerin sala alatynyn aıttym. Qazaqstannyń Tuńǵysh Prezıdentiniń bul murasy máńgi saqtalady. BUU Bas Assambleıasy 2009 jylǵy jeltoqsanda 29 tamyzdy Halyqaralyq ıadrolyq synaqtarǵa qarsy is-qımyl kúni retinde belgiledi», - BUU-nyń Bas hatshysy Pan Gı Mýn.
«Iadrolyq qarýsyzdaný týraly fotosýret kórmesi koreıler úshin kóp maǵyna beredi. Koreıanyń barlyq azamaty ıadrosyz álemdi armandap otyr. Sondyqtan biz Qazaqstannyń ıadrolyq qarýdan bas tartqanyn jaqsy túsinemiz», - Koreıa qorynyń vıse-prezıdenti Lı Djon Gýk