Budan buryn elimizde qaı jastaǵy balalarǵa ekpe salynatyny týraly jazǵan bolatynbyz.
Gınsbýrg balalarǵa arnalǵan koronavırýsqa qarsy vaksına týraly aıtty, dep habarlaıdy Almaty-akshamy.kz Lenta.ru saıtyna silteme jasap.
Onyń aıtýynsha, COVID-19-ǵa qarsy balalarǵa arnalǵan vaksına Sputnik V-diń 5 ese suıyltylǵan túri eken.
Gamaleıa atyndaǵy epıdemıologıa jáne mıkrobıologıa ulttyq ǵylymı ortalyǵynyń dırektory Aleksandr Gınsbýrgtyń aıtýynsha, 12 men 17 jas aralyǵyndaǵy jasóspirimderge arnalǵan vaksınanyń klınıkalyq synaqtarynyń qorytyndysy Densaýlyq saqtaý mınıstrliginde eken.
«Zertteý nátıjeleri preparattyń tıimdi jáne qaýipsiz ekenin kórsetti. Bul vaksınany saldyrǵannan keıin balalarda paıda bolatyn antıdene kórsetkishi dál osy ekpeni alǵan úlken adamdardaǵy antıdenege qaraǵanda kóbirek bolady», dep atap ótti Gınsbýrg .
Ol munyń sebebin balalardaǵy ımýndyq júıeniń antıgenderge reaksıasynyń kúshtiligimen túsindirdi.
Buǵan deıin Gınsbýrg balalarǵa arnalǵan koronavırýsqa qarsy vaksınanyń ataýyn jarıalaǵan bolatyn. Onyń aıtýynsha, preparat Sputnik M dep atalýy múmkin, ondaǵy «M» árpi «kishkentaılar úshin» degendi bildiredi.