Ilon Mask alǵa qoıǵan josparlarymen bólisti.
Amerıkandyq SpaceX aeroǵaryshtyq kompanıasynyń qurýshysy Ilon Mask osy jyly Starship zymyran tasyǵyshynyń alǵashqy orbıtalyq ushýy bolatynyna senimdi ekenin aıtty. Bul adamdy Aıǵa qondyrý úshin paıdalanylatyn asa aýyr zymyran, dep habarlaıdy Almaty-akshamy.kz Interfax.ru silteme jasap.
«Osy jyly orbıtaǵa (Starship - IF) shyǵarylatynymyzǵa senimdimin», - dedi Ilon Mask Starship jobasyndaǵy jumys barysy týraly tanystyrylym kezinde.
Jospar boıynsha, zymyran 2022 jyldyń aqpanynda ushýy tıis bolatyn, alaıda SpaceX-tiń Tehastaǵy ǵarysh aılaǵynan ushyrylymdardy ótkizýge lısenzıa alýǵa bildirgen ótinishine baılanysty qoǵam tarapynan aıtylǵan pikir kóp bolǵandyqtan, AQSH-tyń Federaldyq avıasıa ákimshiligi josparlanǵan ushýdy baǵalaý kúnin keıinge qaldyrýǵa májbúr boldy. Endi kompanıaǵa lısenzıa berilse, naýryz aıynda berýi múmkin.
Kompanıanyń josparyna sáıkes, eki satyly údetkish Tehastyń ońtústigindegi SpaceX jeke ǵarysh aılaǵynan ushyrylýy kerek. Qozǵaltqyshtardy iske qosqannan keıin birneshe mınýttan keıin tómengi Super Heavy kúsheıtkish satysy joǵarǵy jaqtan aǵytyp, sodan keıin Meksıka shyǵanaǵyna túsýi kerek. Bul rette zymyrannyń joǵarǵy satysy Jer orbıtasyna shyǵyp, onyń aınalasynda bir aınalym jasaýy kerek, sodan keıin ol planeta atmosferasyna oralyp, Tynyq muhıtynda «qonýy» tıis.
2019 jyldyń qyrkúıek aıynda NASA jeke kompanıalarǵa 2024 jyly Aıǵa adam qondyrý júıesin damytý baǵdarlamasy aıasynda ınovasıalyq jobalardy jasaý baıqaýyna qatysýǵa shaqyrdy.
Kelisim shartqa qol jetkizý úshin baıqaýǵa Lockheed Martin, Northrop Grumman jáne Draper seriktestigimen SpaceX, Dynetics jáne Blue Origin qatysty.
2021 jyldyń sáýirinde NASA ǵaryshkerlerdi 2024 jyly Aıǵa qondyrý týraly kelisimdi Ilon Masktyń SpaceX kompanıasy alǵanyn habarlady. Ol adamdy aıǵa qaýipsiz qaıtarý úshin Starship HLS qondyrǵyshyn ázirleýi kerek bolatyn.
2020 jyldyń qyrkúıeginde NASA «Artemıda» josparyn shyǵardy. Bul jospar boıynsha, ǵarysh agenttigine 2024 jyly adamdy Aıǵa qaýipsiz qaıtarý mindetteledi.