Azamattar qurlyqtaǵy shekaradan ótkizý beketterin 15 kúnde bir ret kesip óte alatyn boldy.
Qazaqstanda karantın shekteýleri kezeńinde memlekettik shekarany kesip ótý tártibi ózgerdi, dep habarlaıdy Almaty-akshamy.kz
Naqtyraq aıtsaq, azamattar qurlyqtaǵy shekaradan ótkizý beketterin 15 kúnde bir ret kesip óte alatyn boldy.
Qazaqstan Respýblıkasynyń aýmaǵynda koronavırýs ınfeksıasynyń taralýyna jol bermeý jónindegi vedomstvoaralyq komısıanyń aqparaty boıynsha, endi qazaqstandyqtarǵa qurlyqtaǵy shekaradan ótkizý beketteri arqyly shekaradan 15 táýlikte bir ret qurlyqtaǵy ótkizý pýnktteri arqyly ótýge ruqsat etilgen.
Bul ereje Qazaqstannyń myna azamattaryna qoldanylmaıdy:
- eldiń dıplomatıalyq qyzmetiniń personaly jáne olardyń otbasy músheleri (jubaılary, ata-analary jáne balalary);
- shet memleketterdiń shaqyrýy jáne Qazaqstan Úkimetiniń kelisimi boıynsha shetelge jiberiletin QR resmı delegasıalarynyń músheleri;
- shet memleketterdiń aýmaǵynda ornalasqan QR múshesi bolyp tabylatyn halyqaralyq uıymdardyń qyzmetkerleri men olardyń otbasy músheleri (jubaılary, ata-analary jáne balalary);
- QR úkimetaralyq feldegerlik baılanys qyzmetkerleri;
- poıyz jáne lokomotıv brıgadalarynyń, áýe jáne teńiz kemeleri ekıpajdarynyń músheleri jáne temir jol tasymaldaý prosesterine, júkterdi, poezdardy qabyldaý, tapsyrý jáne olardy alyp júrý jónindegi operasıalarǵa qatysatyn adamdar;
- QR aýmaǵyndaǵy sheteldik transshekaralyq qurylystarǵa qyzmet kórsetýshi personal jáne shektes memleketter aýmaǵyndaǵy qazaqstandyq transshekaralyq qurylystarǵa qyzmet kórsetýshi personal;
- shetelge emdelýge shyǵatyndarǵa densaýlyq saqtaý mekemeleriniń rastaıtyn qujattaryn kórsetken kezde (keminde eki eresek adamnyń ilesip júrýimen);
- otbasy músheleri men jaqyn týystaryn jerleýge bara jatqan azamattar, sondaı-aq olarmen birge kele jatqan ózderiniń jubaılary men kámeletke tolmaǵan balalaryn jáne qaıtys bolǵan otbasy músheleri men jaqyn týystarynyń máıitin jerleý ornyna birge alyp júretin adamdar;
- aýyr naýqas otbasy músheleri men jaqyn týystarynemdeýge apara jatqan adamdar, sondaı-aq olarmen birge júretin erli-zaıyptylar men kámeletke tolmaǵan balalardy baǵyp-kútýge baratyn adamdar;
- eńbek qyzmetin júzege asyrý maqsatynda shetelge shyǵatyndar;
- memlekettik shekaradan ótýge jáne evakýasıalyq reısterge ruqsat etilgen adamdardy tasymaldaýdy júzege asyratyn júrgizýshiler;
- halyqaralyq júk tasymaldaryn (bir júk kólik quralyna eki júrgizýshiden artyq emes), jasalǵan kelisimsharttar sheńberinde Avtomobıl jáne arnaıy kólik jetkizýdi júzege asyratyn júrgizýshiler men aýyl sharýashylyǵy qyzmetin júzege asyratyn júk ıeleri-qujattardy usynǵan kezde;
- ekstradısıalaý tártibimen qabyldanatyn izdeýdegi jáne sottalǵan QR azamattar;
- teńiz kemeleri ekıpajdarynyń músheleri;
- Qazaqstannan basqa memleketke turaqty turýǵa ketetin nemese ımıgrasıalyq vızalary bar azamattar.
Buǵan deıin qazaqstandyqtarǵa qurlyqtaǵy ótkizý pýnktteri arqyly shekaradan 30 kúnde bir ret ótýge ruqsat etilip kelgen bolatyn.
Aıta keteıik, Qazaqstan Respýblıkasynyń azamattary úshin avtoótpe joldary arqyly shet memleketterge shyǵý úshin shekteý merzimi eki ese azaıtý týraly sheshim qabyldanǵan bolatyn.