Dárigerlerge qurmet kórsetildi
Qańtar oqıǵasy kezinde Almatydaǵy tergeý ızolátoryna jappaı tártipsizdikke qatysqandardyń kóptep jetkizilgeni belgili, dep habarlaıdy Almaty-akshamy.kz Polisia.kz-ke silteme jasap.
Olardyń arasynda jaraqat alǵandar da kóp boldy. Osy kezde tergeý ızolátorynyń dárigerlerine Almaty qalasyndaǵy aýrýhanalardyń bilikti dárigerleri kómekke keldi.
«Jýyrda Almaty qalasy boıynsha Qylmystyq-atqarý júıesi departamentiniń basshylyǵy osyndaı qıyn kezeńde LA-155/18 mekemesine jetkizilgen jaraly kúdiktilerdi tekserý men emdeý isine belsene aralasqan №4 qalalyq klınıkalyq aýrýhanasynyń dárigerlerine alǵys hat tapsyryp, rızashylyqtaryn bildirdi», – dedi LA-155/18 mekemesi bastyǵynyń orynbasary M.Kákimjanov.
Atap aıtqanda, joǵary dárejeli dáriger-hırýrg, PhD dáriger Aıdar Raımhanov, dáriger-hırýrg Sunǵat Ótegen, travmatolog-ortoped Erkebulan Ábilda, medısına qyzmetkerleri Rınat Azızov pen Iýrıı Lotosh osyndaı marapatqa ıe boldy. Dárigerlerdi marapattaý saltanatyna Almaty qalasy prokýratýrasynyń ókili D.Salımov qatysty.