Bul týraly Qarjylyq monıtorıń agenttigi habarlady.
Bankter bul tizimge engizilgen tulǵalardyń barlyq qarjysyn buǵattap, olar notarıaldyq, saqtandyrý qyzmetterinen aıyrylady, dep habarlaıdy Almaty-akshamy.kz
QR UQK eks-tóraǵasy Kárim Másimov pen onyń orynbasarlary Ánýar Sadyqulov pen Dáýlet Erǵojın resmı túrde terorızmdi qarjylandyrýshylar tizimine engizildi.
Terorızm men ekstremızmdi qarjylandyrýmen baılanysty uıymdar men tulǵalardyń tizbesinde Kárim Másimov pen onyń orynbasarlary áreket etýshi tulǵalar retinde kórsetilgen.
Aıta keteıik, Qańtar oqıǵasynan keıin qamaýǵa alynǵan Kárim Másimov qylmystyq kodekstiń 175-babynyń 1-bóligi, 179-babynyń 3-bóligi, 362-babynyń 4-bóligi 3-tarmaǵy boıynsha kináli dep tanyldy.
Jazany ishinara qosý arqyly 18 jylǵa bas bostandyǵynan aıyrý, múlki tárkilenip, ómir boıy memlekettik qyzmette qyzmet atqarý quqyǵynan aıyrý jazasy taǵaıyndaldy.
Al onyń orynbasary bolǵan Ánýar Sadyqulov qylmystyq kodekstiń 175-babynyń 1-bóligi, 179-babynyń 3-bóligi, 362-babynyń 4-bóligi 3-tarmaǵy boıynsha kináli dep tanyldy. Ol 16 jylǵa sottaldy. Sondaı-aq ómir boıy memlekettik qyzmette qyzmet etý quqyǵynan aıyryldy.
UQK tóraǵasynyń burynǵy orynbasary Dáýlet Erǵojın qylmystyq kodekstiń 179-babynyń 3-bóligi, 362-babynyń 4-bóligi 3-tarmaǵy boıynsha kináli dep tanyldy. Ol 15 jylǵa bas bostandyǵynan aıyryldy.
UQK tóraǵasynyń burynǵy orynbasary Marat Ósipov qylmystyq kodekstiń 362-babynyń 3-bóligi boıynsha kináli dep tanyldy jáne oǵan memlekettik qyzmette qyzmet atqarý quqyǵynan aıyra otyryp, 3 jylǵa bas bostandyǵynan aıyrý jazasy taǵaıyndaldy.