Qolaısyz aýa-raıynda olar qulap, aınalaǵa zıan keltirýi múmkin.
Almatyda apatty jaǵdaıda turǵan 85 myńǵa jýyq aǵash kesiledi, dep habarlaıdy Almaty-akshamy.kz
Almatyda ár aǵash esepke alynyp, onyń kútiminiń jospary jasalady. Ákimdiktiń málimetinshe, megapolıste tórt mıllıonnan astam aǵash pen butalar ósedi. Jergilikti bılik abattandyrý jumysyn odan ári jalǵastyrmaq nıette. Kóktemde 20 000 qatty aǵash otyrǵyzylsa, jyl sońyna deıin taǵy 300 000 jańa kóshet paıda bolady. Atap aıtqanda, Alataý men Naýryzbaı aýdandary kógeredi.
Vedomstvonyń habarlaýynsha, qazir Almatyda 485 000 problemalyq aǵash bar. Onyń 84 000-nan astamy apatty jaǵdaıda: kóshe boıyndaǵysy - 35 000, aýlalardaǵycy - 49 000. Bular kesýdi qajet etedi. Olardyń kóbi qalanyń ortalyq jáne tómengi bólikterinde ornalasqan.
"Almaty qalasy Ekologıa jáne qorshaǵan ortany qorǵaý departamenti apatty jaǵdaıda turǵan aǵashtardy kesýdiń besjyldyq josparyn ázirledi. Mysady, byltyr negizgi joldar boıyndaǵy, saıabaq aýmaqtary men aýlalardaǵy 5 myń apatty aǵash kesilip, ornyna 50 myń kóshet egildi. Bıyl 16 925 myń apatty aǵashty kesý josparlanyp otyr. Ornyna 169 250 myń kóshet egilmek".
Mysaly, qazir Álıa men Mánshúk saıabaǵynda, QBTÝ men Bıokombınat baqtarynda qýraǵan aǵashtar kesildi. Al Muhtar Áýezov atyndaǵy teatrdyń aýmaǵy jyl sońyna deıin tazartylady.
Qala ákimdigi kestege sáıkes jasyl jelekterdi mezgil-mezgil sýaryp, qorektendiretinin, sonymen qatar aǵashtardy bıologıalyq óńdeýmen aınalysatynyn aıtty.