Budan buryn prokýratýranyń tekserýge kiriskenin jazǵanbyz.
Oqý-aǵartý mınıstrliginiń málimetinshe, oqıǵa ornynda mınıstrlik pen qalalyq bilim basqarmasynyń ókilderi jumys istep jatyr, dep habarlaıdy Almaty-akshamy.kz
«Balalardyń jazǵy demalysyn uıymdastyrý boıynsha qyzmetterdi kórsetý úshin dereý jedel mobıldi top quryldy. Múddeli memlekettik organdarǵa balalardyń ortalyqta qaýipsiz bolýy, sondaı-aq konkýrstyq rásimderdi ótkizý máseleleri boıynsha hattar joldandy. Bul másele tolyq sheshilgenshe Komıtet tóraǵasynyń jeke baqylaýynda bolady», delingen habarlamada.
Ortalyq memlekettik, jergilikti atqarýshy organdardyń, úkimettik emes uıymdardyń ókilderiniń, Jastar týrızmi jáne demalysy jónindegi respýblıkalyq qaýymdastyq tóraǵasynyń qatysýymen birqatar tanystyrý kezdesýleri ótkizildi, onda uıymdastyrý máseleleri qaraldy;
«Qazaqstan - baqytty balalyq mekeni!» tujyrymdamasy jasaldy. Demalys kezinde balalardyń bos ýaqytyn jáne jumyspen qamtylýyn uıymdastyrý úshin, usynystar berilgen óńirlerge iske asyrýǵa baǵyttalǵan;
Jazǵy demalysty durys uıymdastyrý úshin aýysymdy damytý logıkasyn, onyń damý kezeńderiniń árqaısysynda óz maqsaty men mindetiniń bolýyn boljaıtyn pedagogıkalyq tujyrymdamaǵa baǵyttalǵan «Jazdyq joldama» jobasyn iske asyratyn ortalyqtardyń (lagerlerdiń) biryńǵaı 10 kúndik baǵdarlamasy engizildi.
«Osy normalardyń qabyldanýy demalystyń elektrondyq tizimin qurýdy jáne uıym qyzmetiniń ashyqtyǵyn qamtamasyz etedi. Barlyq osy qabyldanyp jatqan sharalar, balalarymyzdyń qaýipsizdigin qamtamasyz etýge baǵyttalǵanyna qaramastan, qyzmetkerler tarapynan nemquraıdylyq baıqaldy», dedi komıtet ókilderi.
Osyǵan deıin Almaty qalalyq bilim basqarmasy qyzmet berýshimen kelisimshartty buzý máselesi qaralyp jatqanyn habarlaǵan bolatyn. Aldaǵy ýaqytta balalar demalysyn jalǵastyrý úshin basqa ortalyqtarǵa jiberiledi.