Ulttyq qaýipsizdik komıtetiniń burynǵy tóraǵasy Kárim Másimov shyǵarylǵan úkimge qatysty apelásıalyq shaǵym túsirdi, dep habarlaıdy Almaty-akshamy.kz QazAqparatqa silteme jasap.
Budan buryn habarlanǵandaı, bıyl 24 sáýirde Astana qalasynyń qylmystyq ister jónindegi mamandandyrylǵan aýdanaralyq soty Ulttyq qaýipsizdik komıtetiniń burynǵy tóraǵasy Kárim Másimovke jáne onyń orynbasarlary A.Sadyqulovqa, D.Erǵojınge, M.Osıpovke qatysty qylmystyq is boıynsha úkimin jarıa etti.
K.Másimov 18 jylǵa sottalǵan edi.
«Apelásıalyq shaǵym túsirildi, biraq is apelásıalyq sotqa áli kelip túsken joq. Atap aıtqanda, is «asa qupıa» mártebesimen qaralǵandyqtan, basqa málimetter jarıa etýge jatpaıdy», - delingen qalalyq sot baspasóz qyzmetiniń málimetinde.