Bıyl aýyz sý tapshylyǵyna baılanysty halyqtan tek resmı túrde 9 myńnan asa shaǵym túsken.
Al qanshasy resmı túrde aıtylmaı qalyp jatyr. Qubyrlardyń jıi jarylýynan turǵyndar aılar boıy sýsyz qalýda. Premer-Mınıstr Álıhan Smaıylov Úkimettegi kezekti jıynda atalǵan máseleni kóterdi, dep habarlaıdy Almaty-akshamy.kz.
Ol kelesi jyly sý berý josparlanyp otyrǵan 115 eldi meken boıynsha jobalaý qujattaryn bıyl pysyqtaýdy mindettedi. Sondaı-aq eldegi 20 qalany sýmen jabdyqtaý jáne sý burýdyń óndiristik prosesterin avtomattandyrý boıynsha jobalaý qujattaryn daıyndaý jumystaryn aıaqtaýdy tapsyrdy.
«Qazirgi tańda 600 myńnan astam azamatymyz aýyz sýǵa muqtaj. Bul - asa aýqymdy jáne mańyzdy jumys. Alaıda oǵan barlyǵy birdeı jaýapkershilikpen qarap otyrǵan joq. Sondyqtan sý máselesiniń úlken áleýmettik mańyzdylyǵyn eskere otyryp, árbir óńir, ásirese, eń tómengi kórsetkishteri bar oblystar jumysty jandandyrýy kerek», - deıdi QR Premer-Mınıstri Álıhan Smaıylov.