2023 jyldyń sáýir aıynda Qazaqstan bankteriniń aktıvteri 184 mlrd teńgege azaıdy.
Bul týraly Ulttyq bank esebinde aıtylǵan, dep habarlaıdy Almaty-akshamy.kz Ulysmedia.kz-ke silteme jasap.
«Qazaqstan bankteriniń aktıvteri sáýir aıynda 184 mlrd teńgege nemese 0,4%-ǵa azaıyp jáne 2023 jylǵy 1 mamyrǵa 44,8 trln teńgeni qurady. Qaryzdar da qysqardy – 392 mlrd teńgege nemese 39 trln teńgege deıin», – delingen Ulttyq bank esebinde.
Qujatqa sáıkes, ekinshi deńgeıdegi bankterdiń kapıtaly 2023 jylǵy sáýirde 207 mlrd teńgege – 5,9 trln teńgege deıin ósken.
Pasıvti jıyntyq boıynsha kórsetkishter de birshama ózgergen. Sáýirde ol 45 trln qurasa, mamyr aıyndaǵy kórsetkish 44,8 trln teńge bolǵan.
Al halyqaralyq qarjy uıymdarynan alynǵan qaryzdar kólemi kerisinshe ósken. Sáýir aıynda bul kórsetkish 50 mln teńgeden mamyr aıynda 65,9 mln teńgege jetken.