Bul týraly munaı-gaz salasynda mashına jasaýshylardyń alǵashqy forýmynda aıtyldy.
Ótken jyly elimizdegi eń iri 3 munaı operatory 310 mlrd teńgeniń jabdyqtaryn satyp alǵan. Ókinishke qaraı, onyń tek 9 paıyzy ǵana otandyq ónimder, dep habarlaıdy Almaty-akshamy.kz
Qazir atalǵan salada zamanaýı jabdyqtarǵa suranys artyp keledi. Biraq, otandyq ónimniń úlesi az. Olqylyqtyń ornyn toltyrý úshin birlesken jobalar men tyń ıdeıalar qajet. Pandemıa otandyq mashına jasaýshylar úshin úlken qolbaılaý boldy deıdi qatysýshylar. Qazir qordalanǵan máselerdi birjaqty etý úshin elimizde halyqaralyq ortalyq qurylǵan. Bul rette tıisti vedomstvolar men múddeli taraptar atalǵan uıymmen birlese jumys isteýi qajet. Sebebi, másele bárine ortaq. Qyzyǵýshylyq tanytqan ınvestorlardy qoldaý da mańyzdy.
"İshki naryqty damytý – keshendi shara, ortaq mindet. Olardy júzege asyrý úshin múddeli taraptardy belsendi atsalysýǵa shaqyramyn. Ásirese, munaı-gaz salasyndaǵy iri operatorlar, mashına jasaýshylar men memlekettik organdar shet qalmaýy tıis. Forým jumysy jemisti bolady degen úmittemin", - deıdi QR Premer-Mınıstriniń birinshi orynbasary Roman Sklár.