Marokkoda kúshti jer silkinisi saldarynan 2 myńnan astam adam qaza tapty.
Qaıǵyly jaǵdaıǵa baılanysty, elde úsh kúndik qaraly kún jarıalandy, dep habarlaıdy Almaty-akshamy.kz.
Euronews habarlaýynsha, tabıǵı apattan zardap shekkender sany áli de artýy múmkin. Qazirgi kezde úıindilerdi arshý jumystar jalǵasyp jatyr.
Eldiń koról saraıynan habarlaǵandaı, tý úsh kún boıy jartylaı tómen túsiriledi.
Jeksenbige qaraı qutqarýshylar eń kóp zardap shekken aýdandarǵa jetti, al taý baýraıyndaǵy birqatar eldimeken múldem baılanyssyz qaldy.
Úsh kúndik qaraly kún jarıalaǵan elge dúnıejúziniń kóptegen eli óz kómegin usynyp jatyr, onyń ishinde burynnan jalǵasyp kele jatqan aýmaqtyq daýǵa jáne dıplomatıalyq baılanystardyń úzilgenine qaramastan, Aljır de gýmanıtarlyq ushaqtar úshin óz áýe keńistigin ashýǵa ýáde berdi.
Eske salaıyq, Marokkonyń Marrakesh qalasynda 9 qyrkúıekke qaraǵan túni bolǵan 7 baldyq jer silkinisi el tarıhyndaǵy sońǵy ǵasyrdaǵy eń iri jer silkinisi bolyp tirkeldi.
Zilzaladan qaza tapqandar sany 2 122, jaralanǵandar sany 2 420-ǵa jetti.