Bıyl qańtar-maýsymda elimizge 3,1 mln týrıs keldi. Bul týraly Týrızm ındýstrıasy komıteti Investısıalardy tartý jáne ilgeriletý basqarmasynyń bas sarapshysy Aqmaral Meńlibek aıtty, dep habarlaıdy Almaty-akshamy.kz QazAqparatqa silteme jasap.
«2023 jyldyń alǵashqy jartyjyldyǵynda elimizdegi ornalastyrý oryndary týrıserge 98 mlrd teńgege qyzmet kórsetti. Bul ótken jyldyń sáıkes kezeńimen salystyrǵanda 45 paıyzǵa artyq. Byltyr qańtar-maýsym aralyǵynda elimizdegi ornalastyrý oryndary týrıserge 67 mlrd teńgege qyzmet kórsetken bolatyn. Al pandemıaǵa deıingi kezeńmen salystyrsaq, atalǵan kórsetkish ósimi 2 esege jýyq. Birinshi jartyjyldyqta ornalastyrý oryndarynyń qyzmetin paıdalanǵan týrıser sany 3,1 mln adamǵa jetti. Bul kórsetkish 2022 jyldyń 6 aıymen salystyrǵanda 400 myń týrıske artyq. Al pandemıaǵa deıingi deńgeıden 1 mln adamǵa kóp»,- dedi Aqmaral Meńlibek Týrızm jáne sport mınıstrliginiń Telegram paraqshasynda jarıalanǵan beınematerıalda.