Memleket basshysy Qasym-Jomart Toqaev Qazaqstan halqy Assambleıasynyń HHHİİ sesıasynyń otyrysynda byltyrǵy referendýmnyń ultty uıystyrýdaǵy róline toqtaldy, dep habarlaıdy almaty-akshamy.kz
«Men byltyrǵy sesıada Ata zańymyzǵa referendým arqyly ózgeris engizý týraly bastama kóterdim. Kóp uzamaı halqymyz óziniń tarıhı tańdaýyn jasady. Konstıtýsıaǵa engiziletin ózgeristerdi qoldap daýys berdi. Bul - Ata zańymyz qabyldanǵannan keıingi alǵashqy referendým. Biz osy bastama kóterilgen kezde el taǵdyryn aıqyndaıtyn mańyzdy joldyń bastaýynda turdyq. Maqsatymyzdy aıqyndap, naqty jospar qurdyq», - dedi Prezıdent.
Memleket basshysy dál osyndaı tarıhı sátte halyqtyń bir aýyzdan qoldaý bildirýi óte mańyzdy bolǵanyn atap ótti.
«Túrli usynys aıtyldy. Ózgeristi Parlament arqyly jasaý qajet degen pikirler de boldy. Biraq biz árbir azamatytń pikirin bilgen jón dep sheshtik. Memlekettik bıliktiń birden bir bastaýy halyq degen qaǵıdatty ustandyq. Osylaısha kelisip pishken ton kelte bolmaıtynyna búkil el bolyp kóz jetkizdik. Bir jyldyń ishinde atqarylǵan jumysqa zer salsaq, byltyrǵy referendýmnyń mańyzy zor ekenin túsinemiz. Bul ádiletti Qazaqstandy qurý isine búkil halyqty jumyldyrǵan naýqan boldy. Jurtymyz jaýapty sátte ult retinde uıysa alatynyn kórsetti. Referendýmnyń túpki nátıjesi jáne halqymyzdyń basty jetistigi osy», - dedi Qasym-Jomart Toqaev.