Elde birlik pen turaqtylyq bolmasa, saıası-ekonomıkalyq reformalar júzege aspaıdy. Prezıdent Qasym-Jomart Toqaev Qazaqstan halqy Assambleıasynyń HHHİİ sesıasynyń otyrysynda osyndaı oı aıtty, dep habarlaıdy almaty-akshamy.kz
«Biz «birlik pen turaqtylyq bolmasa, saıası-ekonomıkalyq reformalar júzege aspaıdy» deımiz. Árıne, bul – durys paıym. Biraq birlik degenimiz maqsatymyzǵa aparatyn jol ǵana emes. Bul – memlekettiligimizdiń eń basty tireginiń biri. Men buǵan deıin de aıttym: elimizdiń táýelsizdigi jáne aýmaqtyq tutastyǵy bárinen qymbat. El birligi osy myzǵymas qundylyqtarmen qatar turýǵa tıis. Sonda ǵana bolashaǵymyz baıandy bolady. Tatýlyq pen kelisim tek memlekettik saıasatta emes, qoǵamda, úıde, ujymda, jalpy, barlyq jerde dáriptelýi qajet», - dedi Qasym-Jomart Toqaev.
Memleket basshysynyń aıtýnysha, bul jalań uran emes, ár azamattyń kúndelikti ustanymy bolýy kerek.
«Halqymyz birliktiń jáne tynyshtyqtyń qadirin biledi. Bul – nebir qıyn-qystaý zamandy ótkergen, qazaq jerinen pana tapqan barsha etnostar úshin de qymbat qundylyqtar. Osy qundylyqtardy baǵalaı bilgenniń arqasynda jurtymyz beıbit ómir súrip jatyr. Bul – teńdessiz jetistik!», - dedi Prezıdent.