Ekologıany qoldaýshy #TazaTaý bastamashyl tobynyń belsendileri tabıǵat aıasynda ózin-ózi durys ustaýdy nasıhattaıtyn plakattar kórmesine qatysatyn jumystardy tańdap aldy. Kórme 26 sáýirde Almatyda ashylyp, 4-inshi sáýirge deıin jalǵasady, dep habarlaıdy Almaty-akshamy.kz QazAqparatqa silteme jasap.
Keıin jumystar İle Alataýy ulttyq tabıǵı parkinde qoıylady.
Art-joba tabıǵatty lastaýshylarmen kúreske arnalǵan. Ony uıymdastyrýshylar qatysýshylardan shara aıasynda taýdaǵy tazalyqty saqtaýdy nasıhattaý maqsatynda jasalǵan plakattarmen jeke paraqshalarynda bólisýdi suraıdy.
«İle-Alataý ulttyq tabıǵı parki qyzmetkerleriniń málimetinshe, parkke jaqyn ornalasqan Býtakovka, Qımasar, Almarasan baǵytynyń ózinen-aq jyl saıyn 700-den 900 tonnaǵa deıin qoqys shyǵarylady eken. Al elimiz boıynsha tabıǵattaǵy tazalyq máselesi adam shoshyrlyq jaǵdaıda, al muny biz birlesip toqtatýymyz kerek», - dedi birlesken jumystyń mańyzdylyn ataı otyryp, eko-belsendi jáne #TazaTaý ekologıany qoldaýǵa arnalǵan bastamanyń basty uıymdastyrýshysy Ajar Jandosova.
Kórmede 27 qatysýshynyń túrli janrdaǵy 42 jumysy qoıylady. Qazaqstandyq sýretshiler, ıllústratorlar men dızaınerlerden baıqaý aıasynda kelip túsken barlyq jumystar ádil qazylar alqasynyń biraýyzdan shyǵarylǵan sheshimimen kórmege qoıylatyn boldy. Baıqaý jeńimpazdary vernısajda jarıalanady.
Art-kýrator Olá Veselovanyń aıtýynsha, baıqaýǵa qatysýshylardan bólek kórmede álemge áıgili Georgıı Trákın-Býharov, Sáýle Súleımenova, Shamıl Gýlıev sekildi sýretshilerdiń qorshaǵan ortaǵa zıanyn erekshelep kórsetetin kartınalary qoıylady. Plastic_Harahura tobynyń qaıta óńdelgen plasıktan jasalǵan skýlptýrasy ekspozısıanyń bóligi bolady.