«Mansap kúni» onlaın bos jumys oryndary jármeńkesi kreatıvti jastardy jumysqa ornalastyrýǵa qoldaý kórsetýge, azamattardyń jumysqa ornalasýyna jáne jumys berýshilerdiń laıyqty jumys izdep júrgen qajetti izdenýshilerdi (kadrlardy) tańdap alýyna járdemdesý arqyly kreatıvtik qoǵam ókilderiniń áleýetin ashýǵa baǵyttalǵan.
2021 jylǵy 7 jeltoqsanda saǵat 11.00-de Almaty qalasy Kreatıvtik ındýstrıalar basqarmasynyń uıymdastyrýymen «Mansap kúni» onlaın bos oryndar jármeńkesi ótedi, dep habarlaıdy Almaty-akshamy.kz
Jármeńkeniń artyqshylyǵy Almaty qalasynyń halyqty jumyspen qamtý ortalyǵynyń qatysýy, sondaı-aq Qazaqstannyń eńbek naryǵynda Sberbank Qazaqstan, Qazaqstan Halyq banki, Halyk Life, Magnum Cash & Carry, Centras Group, «Alına» kompanıalar toby, «Nurbank» AQ, «SHAG» Kompúterlik Akademıasy, «AZMK» JSHS, «Jedel Kúzet» JSHS, «Dýdar» jáne «Tornado Plús» kompanıalary sıaqty jetekshi kompanıalardyń tanymal kásipkerleri men rekrýterleriniń qatysýy bolyp tabylady. İs-sharada 100-den astam bos jumys orny boıynsha áńgimelesý ótedi, izdenýshilerden 350-den astam ótinim qabyldandy.
İs-sharada spıker retinde Almaty qalasy Kreatıvtik ındýstrıalar basqarmasy basshysynyń orynbasary Muqajanova Ásel Nurlanqyzy, Sberbank Qazaqstan kompanıasynyń DevOps baǵytynyń jetekshisi Mustafın İlıas, Sber Qazaqstan kompanıasynyń anderraıtıng jáne monıtorıń departamentiniń dırektory Zordınov Kýdrat, Qazaqstan Halyq bankiniń ókili Aleksandr Vıshnevskıı jáne «Almaty qalasy ákimdiginiń halyqty jumyspen qamtý ortalyǵy» KMM-niń jumys berýshilerdi qoldaý bóliminiń basshysy Júkenova Altynaı Aıazbaıqyzy sóz sóıleıdi.
İs-sharanyń moderatory - ártis Dáýren Serǵazın.
Ótetin orny: Alatau Creative Hub, Almaty q., Atletıkalyq aýyly TK, Nurkent shaǵynaýdany, 5/11.
İs-sharanyń kórermeni jáne sholýshysy retinde qatysýǵa shaqyramyz, qatysý úshin ótinimderdi uıymdastyrýshy Ábdimomyn Maratqa 87756801000 nómiri boıynsha habarlasyp, rastaı alasyz.