Bostandyq aýdanynda 2021 jyly tenıs ortalyǵy, shańǵy tramplınderi men sport keshenderi salyndy
Pandemıaǵa qaramastan, Almatynyń Bostandyq aýdanynda jańa sport ǵımarattarynyń qurylysy jalǵasýda, dep habarlaıdy Almaty-akshamy.kz
Bul týraly Óńirlik komýnıkasıalar qyzmetiniń brıfıńinde aýdan ákimi Altaı Rahymbetov málimdedi.
«Biz buqaralyq sportty damytýdamyz, salaýatty ómir saltyn nasıhattaý baǵytynda sporttyq ınfraqurylymdy búdjet esebinen de, ınvestorlar esebinen de nyǵaıtýdy jalǵastyrýdamyz. Bıyl jyl boıy jumys isteıtin «Jandosym» tenıs ortalyǵynyń qurylysy aıaqtaldy. Ortalyq táýligine 200 adam qabyldaı alady», - dedi Altaı Rahymbetov.
Aýdan ákimi «Suńqar»shańǵy tramplınderiniń ekinshi kezeginiń qurylysy aıaqtalǵanyn habarlady. Onda 580 oryndyq minberi bar ámbebap zal, jabyq júzý baseıni men qonaq úı kesheni ornalasatyn bolady. Táýligine 940 adamdy qabyldaı alady.
Champion jeke qorynyń qoldaýymen zamanaýı MyWin sport kesheniniń qurylysy bastaldy, onda ámbebap zal men baseın ornalasady. Aıaqtalý merzimi 2022 jylǵa josparlanǵan.
A. Rahymbetov almatylyqtardyń sportty súıetinin, bul súıispenshiliktiń mektep qabyrǵasynan qalyptasatynyn atap ótti. Mysaly, aýdannyń mektepterinde, JOO men kolejderde 400-ge jýyq tegin seksıa jumys isteıdi, onda 20 myńnan astam oqýshylar men stýdentter jattyǵady. Sonymen qatar, 15 sport alańynda fýtbol, basketbol, vorkaýt jáne tenıs boıynsha tegin jattyǵýlar ótkiziledi.