Mańǵystaý oblysynda taǵy da oqýshylar jappaı ýlandy, dep habarlaıdy aqshamnews.kz.
Óńirdiń densaýlyq saqtaý basqarmasynyń málimetinshe, mektep qabyrǵasynda 16 bala ýlanyp qalǵan.
12 qyrkúıekte Beıneý aýylynda Jumaǵalı Qaldyǵaraev atyndaǵy mekteptiń oqýshylary aýdandyq jedel járdem bólimine ish aýrýyna shaǵymdanyp kelgen.
Qabyldaý bóliminde balalarǵa regıdratasıa prosedýrasy (joǵaltqan sý mólsherin qalpyna keltirý) jasaldy jáne ınfýzıalyq terapıa júrgizildi, ıaǵnı balalarǵa sıstema qoıyldy, - delingen habarlamada.
Balalar sol kúni úılerine oralǵan. Al 13 qyrkúıekte qaıta sabaqqa bara bastaǵan.
Aýdandyq sanıtarıalyq-epıdemıologıalyq basqarma mamandary mekteptegi tamaq pen aýyz sýdan synama aldy. Olardy saraptamaǵa jiberdi.
Esterińizge sala keteıik, oqý jylynyń basynda Munaıly aýdanynynyń Besshoqy aýylynda astan balalar jappaı ýlanǵan edi. Osy jaǵdaıdy Úkimettiń ózi baqylaýǵa alǵan bolatyn.