15-17 qyrkúıekte Tuńǵysh Prezıdent saıabaǵynda qyzyqty ári tartymdy ádebı shara – Qala kúnin merekeleýge arnalǵan «Kitap oqıǵalary» atty kvest ótedi. Saǵat 10.00-den 18.00-ge deıin qonaqtardy ınteraktıvti synaqtar, kitaptar sıqyry jáne umytylmas emosıalar kútedi, dep habarlaıdy aqshamnews.kz
«Kitap oqıǵalary» - bul jaı ǵana is-shara emes, bul balalar men olardyń ata-analary úshin tanymal balalar kitabyna negizdelgen qyzyqty kvestter arqyly ádebıet álemine enýdiń biregeı múmkindigi. Árbir kvest qatysýshylardy qyzyqty tapsyrmalardy oryndaýǵa jáne olardyń súıikti keıipkerlerimen kezdesip, kitap sújetterine baılanysty jumbaqtardy sheshýge múmkirdik beredi.
Kvest qatysýshylary ózderiniń tanymdyq múmkindikterin synaýmen qatar, seriktesterimizden laıyqty marapattar – kitaptar men arnaıy syılyqtar alady. Sondaı-aq, is-shara aıasynda «Kitap keıipkerine aınalý» fotoaımaqtary jumys isteıdi, onda árkim óziniń súıikti ádebı keıipkerine aınala alady jáne foto arqyly osy sátti esinde saqtaı alady.
«Biz mektep oqýshylary men olardyń ata-analaryn «Kitap oqıǵalary» kvestine shaqyrýǵa qýanyshtymyz. Bizdiń joba balalar men olardyń týystaryn kitap oqýǵa shabyttandyryp, olardyń aldynda klasıkalyq jáne zamanaýı balalar ádebıetiniń qyzyqty álemin ashýǵa kómektesedi. Bizdiń kvestimizdiń árbir qatysýshysy jańa bilimdi, áserdi jadynda saqtap, súıikti kitabyn ózimen birge alyp ketedi», - dep atap ótti Almaty Kitaphanalary.