Polıseıler 26 jastaǵy kúdiktini ustady.
Mańǵystaýda 120 keliden asatyn bekire balyǵy tárkilendi, dep habarlaıdy Almaty-akshamy.kz Polisia.kz telegram kanalyna silteme jasap.
«Brakoner» respýblıkalyq jedel-profılaktıkalyq is-sharasy barysynda bıyl 10 naýryzda Mańǵystaý oblysy PD patrúldik polısıa rotasynyń qyzmetkerleri Aqtaý-Fort-SHevchenko tas jolynyń 29-shy shaqyrymynda tabıǵatty qorǵaý polısıasymen birlesip Lada 2112 markaly kúdikti avtokólikti toqtatty. Avtokólikti tekserý barysynda júksalǵyshta jalpy salmaǵy 124 keli bolatyn 33 dana zańsyz aýlanǵan bekire balyǵy tabylyp, tárkilendi»,-delingen habarlamada.
Polıseıler 26 jastaǵy kúdiktini ustady. Tárkilengen balyq «Kazakh Osetr» JSHS-ne tapsyryldy. Ózge aqparat tergeý múddesi úshin jarıa etilmeıdi.