Fýkýsıma apatyna 12 jyl boldy.
Japonıa jurtshylyǵy taǵy da sherýge shyqty, dep habarlaıdy Almaty-akshamy.kz
Bul sherý 12 jyl buryn bolǵan Fýkýsıma apatymen tyǵyz baılanysty. Belsendiler toby Fýkýsıma-1 atom elektr stansıasynan radıoaktıvti sýdy muhıtqa tógýge qarsy.
12 jyl buryn 2011 jyly «Fýkýsıma-1» AES-de alapat apat bolǵan edi. Bul Chernobylden keıin sońǵy 25 jyldaǵy eń iri apat bolyp sanalady. 9 baldyq jer silkinisinen paıda bolǵan 15 metrlik teńiz tolqyny stansanyń energobloktaryn basyp qalyp, gaz quıylǵan rezervýar jarylyp, olardy qýat kózinen úzip tastaǵan edi. Nátıjesinde reaktorlardy sýytý júıesi isten shyqty. Apatta 20 myńnan asa adam qaza tapty. Radıasıanyń kesirinen jarty mıllıon turǵyn qaýipti aımaqtan kóshirilip, myńdaǵan úı turýǵa jaramsyz bolyp qalǵan edi.
Sodan beri Japonıada jylda aza tutý rásimi ótedi. Sonymen qatar, ár juma saıyn belsendiler toby narazylyq sherýin ótkizip keledi. Olar Fýkýsıma-1 atom elektr stansıasynan radıoaktıvti sýdy muhıtqa tógýge qarsy. Bıliktiń bul sheshimi ekologıalyq apatqa ákeledi degen pikirde. Biraq el Úkimeti sý muhıtqa tógiler aldynda súzilip, radıoaktıvti elementterden tazartylady degen jaýap aıtýda.
Qazir stansıa qoımasyndaǵy sý mólsheri 1,3 mln tonnaǵa jetip, lyq tolyp tur. Bul sý reaktorlardy salqyndatý úshin qoldanylady. Sherýge shyqqan narazy jurt "Úkimet sheshimin ózgertpese, apta saıyn narazylyq sharasyn ótkizemiz. Radıoaktıvty sýdy muhıtqa tógýge qarsymyz. Bul tek Japonıaǵa emes, kórshiles Qytaı men Koreıaǵa, tipti búkil álemge áserin tıgizedi", - dep málimdedi.