Premium-akkaýnt ıeleri vıdeolardy jarnamasyz kóre alady.
Elimizde YouTube Premium iske qosylady, dep habarlaıdy Almaty-akshamy.kz
Bul týraly Sıfrlyq damý mınıstri Baǵdat Mýsın óziniń fb paraqshasynda jazdy.
«Kremnıı alqabynda YouTube kompanıasynyń ónimdi basqarý jónindegi vıse-prezıdenti Adam Smıtpen kelissózder júrgizdim. Yntymaqtastyq perspektıvalary men kompanıanyń Qazaqstandaǵy túrli servısterine qoljetimdilikti keńeıtý máselesi talqylandy», - dep jazdy mınıstr.
Aıta ketelik, YouTube ókilderi bıylǵy jyly Qazaqstanda YouTube Premium iske qosylatynyn resmı túrde jarıalady. Bul bizdiń naryqtyń iri tehnologıalyq kompanıalar úshin barynsha tartymdy bolyp kele jatqanynyń kórsetkishi.
«Premium-ge ótý múmkindigi bizdiń elde buryn qoljetimdi bolmaǵan YouTube servısterine qol jetkizýge múmkindik beredi. Premium-akkaýnt ıeleri vıdeolardy jarnamasyz kóre alady jáne olardy júktep alyp, ınternetsiz de qaraı alady jáne t. b. múmkinshilikter bar», - dep jazdy mınıstr feısbýk paraqshasynda.