Áskerı tehnıka lekteriniń júrý baǵyty men ýaqyty jergilikti atqarýshy organdarmen kelisilgen
Jaýyngerlik daıyndyq josparyna sáıkes Mańǵystaý oblysynda Qazaqstan Qarýly kúshteri Qurlyq áskerleri artıllerısteriniń lagerlik jıyny ótedi, dep habarlaıdy Almaty-akshamy.kz.
Jıyn ótetin orynda oqý-jaýyngerlik tapsyrmalardy oryndaý úshin áskerı tehnıka Aqtóbe beketinen Mańǵystaý beketine deıin temirjol kóligimen tasymaldanady.
«Áskerı tehnıkanyń qozǵalysy 15 tamyzda da iske asyrylady. Almaty, Shymkent, Qonaev, Taraz, Taldyqorǵan, Saryózek jáne Qulandydaǵy áskerı bólimder ornalasqan jerlerden áskerı tehnıka lekteri jaýyngerlik daıyndyq boıynsha sabaqtar ótkiziletin Jambyl oblysy Gvardeısk kentindegi «Mátibulaq» polıgonyna qaraı qozǵalady», - delingen Qorǵanys mınıstrliginiń habarlamasynda.
Áskerı tehnıka lekteriniń júrý baǵyttary men ýaqyty jergilikti atqarýshy organdarmen kelisilgen.