Maýsym bastalǵaly mobıldi jumys toby 513 ret reıdke shyqqan
Bul týraly óńirlik komýnıkasıalar qyzmeti alańynda ótken baspasóz máslıhatynda Jetisý oblysy Tótenshe jaǵdaılar departamenti Memlekettik órt baqylaý basqarmasynyń bastyǵy azamattyq qorǵaý podpolkovnıgi Dáýren Azamatov aıtty, dep habarlaıdy Almaty-akshamy.kz.
Órt tirkelmese de, eldi mekenderden tys 65 ga jerde qurǵaq shóp órtengen. 40 jaǵdaı TJD kúshimen sóndirilgen. Sonymen qatar, shildede Alakól aýdany, Aqjar Qońyr aýyldarynyń arasynda ornalasqan «Jazylbekov ı K» SHQ aýmaǵynda 5 Ga aýdanda arpa alqaby jáne 20 Ga aýdanda qýraǵan shóp órtengen.
Jalpy, maýsym bastalǵaly mobıldi jumys toby 513 ret reıdke shyǵyp, túsindirme jumysyn júrgizgen. Sonymen qatar Jetisý oblysynyń oblys aýmaǵynda 135 adam qoǵamdyq birlestikterde, aýdandyq qurylymdarda órtke qarsy qyzmet etip keldi.
«Halyqqa órt qaýipsizdiginiń erejelerin jetkizý tikeleı baılanys arqyly da júzege asyrylady. Aýyl sharýashylyǵy óndirýshilerimen 5987 azamatty qamtı otyryp,312 jıyn uıymdastyryldy, 9333 azamattyń qatysýymen 459 nusqama ótkizildi, 767 azamattyń qatysýymen 58 dóńgelek ústel ótkizildi. Departamentpen kúndelikti reıdtik is-sharalarmen qatar demalys jáne mereke kúnderi jergilikti atqarýshy organdardy, orman sharýashylyǵy mekemeleriniń qyzmetkerlerin, volonterlik uıymdardy tarta otyryp, halyqtyń demalys oryndarynda keń aýqymdy aksıalar uıymdastyrylmaq», - dedi podpolkovnık Dáýren Azamatov.
Brıfıńte sýǵa shomylý maýsymyndaǵy qaýipsizdik jaıly da aıtyldy. Maýsym bastalǵaly qyzmetkerlerdiń uıymdastyrýmen 23900 patrúldeý men reıd uıymdastyrǵan. Barysynda 23062 dana úgit-nasıhat paraqashalary taratylǵan. Túsindirme jumystaryna qaramastan, sý aıdyndarynda adamdardyń qaza bolý faktileri oryn alyp jatyr. Jyl basynan óńirde 2 adam qaza tapqan.