Salymshylar úshin zeınetaqy kálkýlátorynda jańa fýnksıalar paıda boldy
Biryńǵaı jınaqtaýshy zeınetaqy qorynyń resmı saıty men mobıldi qosymshasyndaǵy zeınetaqy kálkýlátory jańardy, dep habarlaıdy Almaty-akshamy.kz biryńǵaı jınaqtaýshy zeınetaqy qoryna silteme jasap.
Boljamdy zeınetaqy kálkýlátory bolashaq zeınetaqyny josparlaý quraly.
Atalǵan qural salymshyǵa zeınetaqy tólemderiniń boljaldy mólsherin esepteýge múmkindik beredi.
Mysaly:
• memlekettik búdjet (bazalyq zeınetaqy jáne ortaq (eńbek) zeınetaqy);
• BJZQ-ǵa jumyskerlerdiń tabysynan tólenetin 10% mindetti zeınetaqy jarnalary;
• 5% mindetti kásiptik zeınetaqy jarnalary. Ony jumys berýshi BJZQ-ǵa eńbek jaǵdaıy qaýipti, zıandy jumyspen aınalysatyn jumyskerlerdiń paıdasyna aýdarady;
• erikti zeınetaqy jarnalary.
Salymshylar úshin zeınetaqy kálkýlátorynda jańa fýnksıalar paıda boldy.
Birinshiden, zeınetaqy kálkýlátory jınaqtardy alý josparlanǵan jaǵdaıda zeınetaqy tólemderin esepteýge múmkindik beredi. Paıdalanýshy ózdiginen kelesi tetikterdi tańdaı alady:
- zeınetaqy jınaqtaryn alatyn jyly jáne qalaǵan somasy,
- alynǵan somadan jeke tabys salyǵyn (JTS) bir ret ustap qalý (tolyq kólemde, BJZQ-dan jınaqtardy alý kezinde) nemese aı saıyn (BJZQ-dan zeınetaqy tólemderin alý kezinde teń úlestermen).
Ekinshiden, kálkýlátorǵa zańnamada kózdelgen túzetý koefısıentin eskere otyryp, qaýipti jáne zıandy óndiristerde keminde 60 aı jumys istegen qyzmetkerler úshin BJZQ-dan tólenetin tólemderdi kótermeleý esebi qosyldy.
Úshinshiden, kálkýlátor zeınetaqy jınaqtarynyń bir bóligin ınvestısıalyq portfeldi basqarýshylarǵa (IPB) aýdarǵan jaǵdaıda zeınetaqy tólemderiniń qozǵalysyn kórýge múmkindik beredi.
Esterińizge sala ketsek, zeınetaqyny esepteý úshin «Negizgi derekter» blogynda jeke málimetterdi (týǵan kúni, jynysy, eńbek ótili, jınaq somasy jáne t.b.) toltyrý qajet. Eger enpf.kz saıtyndaǵy jeke kabınette aldyn ala tirkelgen bolsańyz, kálkýlátorda da avtomatty túrde toltyrylady.
«Nátıje sizdiń boljamdy zeınetaqy blogynda kórsetiledi. Zeınetke shyǵý jasy men kúnin, jınaqtar taýsylǵanǵa deıingi jyldar sanyn (BJZQ-dan tólemder alǵan jaǵdaıda), zeınetke shyǵý sátindegi jalaqynyń boljamdy mólsherin jáne tabysty boljamdy zeınetaqyǵa aýystyrý koefısıentin qamtıdy. Sonymen qatar ketse túrinde kórsetilgen jyldar boıynsha boljamdy zeınetaqynyń ózgerý úderisi de qamtylady», - dep jazylǵan habarlamada.
Sondaı-aq árbir salymshynyń bolashaq zeınetaqysynyń mqlsheri onyń zeınetaqy jınaqtaryna baılanysty bolyp keledi.
«Zeınetaqyny esepteý nátıjeleri kepildendirilgen tólem emes, ol boljam. Árbir salymshynyń bolashaq zeınetaqysynyń mólsheri onyń zeınetaqy jınaqtaryna baılanysty ekenin eskerý qajet. Jınaqtardyń kólemine eń aldymen, zeınetaqy jarnalarynyń mólsheri, olardy tóleýdiń júıeliligi men tolyqtyǵyna baılanysty. Sondaı-aq, ınvestısıalyq tabysta áser etedi. Boljamdy zeınetaqy kálkýlátorynyń barlyq eseptik nátıjeleri naqty qundyq mánde usynylady», - dep jazylǵan habarlamada.