Nýtrısıolog: as qorytý júıesinde problemasy bar adamdarǵa mandarın qaýipti bolýy múmkin
Mandarınniń quramy paıdaly dárýmenderge toly, alaıda ol keıbir adamdar úshin qaýipti jemis bolýy múmkin. As qorytý júıesi aýrýlarymen aýyratyn, jáne eki jasqa deıingi balalarǵa ony jeýde abaı bolǵan jón. Bul týraly nýtrısıolog ári fıtnes-jattyqtyrýshy Natalıa Kýshnır aıtty, dep habarlaıdy Almaty-akshamy.kz Lenta.ru-ǵa silteme jasap.
Sarapshy gastrıt, kolıt, asqazan jarasy bar adamdarǵa bul jemisterdi opyryp jemeýge keńes berdi. Olar uıqy bezi men ót qabynyń problemalary bar bolsa, zıanyn tıgizýi múmkin.
«Mandarınder B, P, K, D tobyndaǵy dárýmenderge baı keledi, olardyń quramynda kálsı, magnıı jáne kalıı bar. Sonymen birge bul jemister keremet antıdeprıssant bolyp tabylady. Dámi ǵana emes, túsi men ıisi de keremet, birden merekeni eske túsiredi», - dep atap ótti maman.
Nýtrısıolog sıtrýs jemisteri kóbine alergıa týdyratynyn jáne mereke kezinde bul ónimdi shekten tys jeýden saq bolýdy eske saldy.
Al buǵan deıin dıetolog Mıhaıl Gınzbýrg D dárýmenine baı as COVID-19-ben aýyryp, jazylǵandar úshin densaýlyqty qalpyna keltirýde tıimdi áser etetinin aıtqan edi. Sarapshynyń aıtýynsha, teńiz balyǵy, mysaly, skýmbrıa men maıshabaqtyń D dárýmenine baı keledi. Ol tamaqtaný rasıonynda qabynýǵa qarsy áseri bar azyq-túlikter: nan, astyq jarmalary, jańǵaq pen ashymal sút ónimderi bolýy kerektigin atap ótti.