«Ýchaske» respýblıkalyq jedel aldyn alý is-sharasy ótkizilýde
Almaty polısıasynda páter kartalaryn ne úshin toltyrý kerektigin túsindirdi, dep habarlaıdy Almaty-akshamy.kz Polisia.kz-ke silteme jasap.
Almaty qalalyq Polısıa departamenti 1 qyrkúıek pen 1 jeltoqsan aralyǵynda shaharda problemalyq máselelerdi zerdeleý boıynsha ákimshilik ýchaskede halyqty barynsha qamtýǵa baǵyttalǵan “Ýchaske” respýblıkalyq jedel aldyn alý is-sharasy ótkizilip jatqanyn habarlaıdy.
«Ákimshilik aýmaqtardaǵy árbir úıdi jáne aýlany aralaý birinshi kezekte qylmystyq ahýaldy jaqsartýǵa, zańsyz árekettermen aınalysatyn adamdardy, kúdikti azamattardy anyqtaýǵa, páterler men úılerdi zańsyz jalǵa berý faktilerin anyqtaýǵa baǵyttalǵan. Bul is-sharalar qylmystyń aldyn alý maqsatynda da ótkizilýde. JAİ kezinde ózderine bekitilgen ákimshilik ýchaskelerdegi ýchaskelik polısıa ınspektorlary aýla men páterdi aralaýdy júrgizedi, ony túrli quqyq buzýshylyq jasaǵan adamdardy anyqtaý jáne ishki ister organdarynda esepte turǵan azamattardy tekserý maqsatynda jasaıdy», – dedi Almaty qalasy PD Jergilikti polısıa qyzmeti basqarmasynyń bastyǵy Manap Sattarov.
Sonymen qatar, qoǵamǵa jat áreketter men qaraýsyzdyq faktileriniń jolyn kesý úshin jaldamaly páterlerdi, bazarlardy jáne basqa da saýda oryndaryn, turmysy nashar otbasylardy, jastar men kámeletke tolmaǵandar júretin oryndardy, sondaı-aq azamattyq qarý ıeleri men sheteldikterdi tekseredi. Sonymen qatar, saıajaılardy, qurylys nysandaryn, onyń ishinde toqtatylǵan jáne qaraýsyz qalǵandardy, shatyrlar men jertólelerdi tekserý júrgiziledi.
«Sondaı-aq, páter kartalaryn birneshe jyl buryn jergilikti polısıa qyzmeti, ákimshilik aýmaqta turatyn azamattardyń esebin júrgizý úshin ázirlegenin aıta keteıin. Tirkeýdiń bul nysany mindetti emes, tek keńestik sıpatta jáne ony azamattar óz erkimen toltyrady. Bul rette, kórsetilgen tirkeý paraǵy ýchaskelik ınspektordyń jumys planshetinde elektrondy formatqa kóshiriletinin, turǵyndar kelisken jaǵdaıda, aýyzsha suraq-jaýap arqyly tikeleı polısıa qyzmetkeri toltyratynyn naqtylaımyz», – dedi Sattarov.