Almaty Indýstrıaldy aımaǵynda áınek ydystar shyǵaratyn zaýyt salynýda.
Onyń qurylysy 2022 jyldyń kúzine qaraı aıaqtalýy tıis. Jospar boıynsha kásiporyn jyl saıyn 140 mln.-ǵa jýyq áınek buıymdaryn shyǵara otyryp, shamamen 300 adamdy jumyspen qamtymaq. Sondaı-aq, el búdjetine 1 mlrd. teńge salyq aýdarýdy kózdeıdi.
Almaty Indýstrıaldy aımaǵynyń aýmaǵynda ornalasqan jer teliminiń alańy 4 gektardy quraıdy. Qazir munda qýat berý, gaz, sý jetkizý, káriz jelilerin júrgizý jáne júkterdi tasymaldaý úshin temirjolǵa baratyn jolǵa arnalǵan komýnıkasıa jelilerin júrgizý boıynsha belsendi jumystar júrgizilip jatyr. Budan basqa, qazir aýmaqta zaýyttyń negizgi ǵımaratynyń biri salyndy. Investısıanyń jalpy kólemi 2,5 mlrd. teńgeden astam somany quraıdy.
Búgingi kúni respýblıkada Reseıden áınek ydystarynyń (bótelke, banki jáne medısınalyq ydystar) shamamen 50%-y ımporttalady. Eger biz aıtyp otyrǵan zaýyt iske qosylatyn bolsa, ımporttyń 15-20%-ǵa tómendeýi múmkin degen boljam bar.
Keleshekte kompanıa ónimniń eksportyn jaqyn shet elderge, onyń ishinde Qyrǵyzstanǵa, Ózbekstanǵa jáne Tájikstanǵa eksporttaý múmkindigin qarastyrýda.