Robotaksı 2024 jyly jumysyn bastaıdy
Ilon Mask júrgizýshisiz taksı jasap shyǵarýǵa ýáde berdi. Robotaksı Tesla-nyń bazasynda iske qosylady dep habarlaıdy Almaty-akshamy.kz Baq.kz-ke silteme jasap.
Lenta.ru saıtynyń málimetinshe, ınvestorlar aldynda bıylǵy jyldyń birinshi toqsanynyń esep berýi kezinde Ilon Mask pılotsyz taksı jasap jatqandaryn málimdedi. Kásipker joba suranysqa ıe bolatynyna ári komersıalyq turǵydan tıimdi ekendigine senimdi.
Qoǵamdyq kóliktiń jańa túrin Mask korporasıanyń alǵa jyljýynyń bolashaq draıverleriniń biri dep atady. Onyń aıtýynsha, jańa jobany iske asyrýǵa daıyndyq qyzý júrgizilýde. Robotaksı 2024 jyly jumysyn bastaıdy.
Osylaısha, amerıkalyq konsernge eki jyl ishinde tujyrymdamasyn aıqyndap, prototıpin jasap, pılotsyz avtokólikterdi synaqtan ótkizip, onyń óndirisin iske qosýmen qatar, zań turǵysyndaǵy máselelerdi sheship úlgerý qajet. Alaıda robottalǵan kólikter qala kóshelerinde júretin kún qashan týatyny áli belgisiz.