Kólik mınıstrligi jańa halyqaralyq áýe marshrýttaryn iske qosý aıasynda turaqty jumys júrgizýde. Máselen, osy jyldyń mamyr aıynan bastap Qazaqstannan 10 elge ushýǵa múmkindik beretin jańa áýe baǵyttary ashylady. Bul memleketterdiń qatarynda Majarstan, Germanıa, Túrkıa, Grýzıa, Ázerbaıjan, Qyrǵyzstan, Ózbekstan, Qytaı, Koreıa jáne Vetnam bar, dep habarlaıdy aqshamnews.kz
«SCAT» áýe kompanıasy mamyr aıynda Shymkent qalasynyń áýejaıynan tómendegideı jańa áýe marshrýttardy ashýdy josparlap otyr:
- 27 mamyrdan bastap:
Shymkent – Býdapesht (Majarstan), aptasyna 2 reıs;
Shymkent – Múnhen (Germanıa), aptasyna 3 reıs;
- 29 mamyrdan bastap:
Shymkent – Shanhaı (Qytaı), aptasyna 2 reıs;
Shymkent – Seýl (Koreıa), aptasyna 2 reıs;
Sondaı-aq «Air Astana» áýe kompanıasy birqatar jańa halyqaralyq avıamarshrýttardy iske qosýdy josparlap otyr:
- 14 mamyrdan bastap: Astana – Danang (Vetnam), aptasyna 2 reıs;
- 27 mamyrdan bastap: Atyraý – Tbılısı (Grýzıa), aptasyna 3 reıs;
- 28 mamyrdan bastap: Almaty – Osh (Qyrǵyzstan), aptasyna 4 reıs;
- 31 mamyrdan bastap: Atyraý – Baký (Ázerbaıjan), aptasyna 3 reıs;
«Fly Arystan» áýe kompanıasy:
- 18 mamyrdan bastap: Almaty – Qulja (Qytaı), aptasyna 2 reıs;
- 28 mamyrdan bastap: Astana-Gazıpasha (Túrkıa), aptasyna 2 reıs;
Ózbekstandyq «My Freighter» (Centrum Air) áýe kompanıasy bıylǵy jyldyń 5 mamyrynan bastap aptasyna 2 reıs jıiligimen Almaty – Tashkent (Ózbekstan) baǵytyn iske qosty.
Sondaı-aq, osy jyldyń 13 mamyrynan bastap «Azerbaijan Airlines» áýe kompanıasy Astana – Baký (Ázirbaıjan) baǵyty boıynsha reısterdiń jıiligi aptasyna 3-ten 4 retke deıin ulǵaıtýdy josparlap otyr.