Medısınalyq saqtandyrý qorynyń basshysy Ábilqaıyr Sqaqov óziniń áleýmettik jelisinde MÁMS-ti alǵa bastyrmaı turǵan 4 problemany atady, dep habarlaıdy Almaty-akshamy.kz
«Birinshisi – medısınalyq másele. Atap aıtqanda, onyń TMKKK jáne MÁMS paketterine bólinýi. Birinshi pakette qarajattyń jetispeýshiligi aqshanyń ekinshi paketke kóshýine, birin-biri qaıtalaýǵa, dárigerdiń qatelik jasaýyna sebep bolatyn qıyndyqtarǵa ákep soǵýda.
Kelesi – qarjy máselesi. Tek MÁMS emes, jalpy densaýlyq saqtaý salasynda qarjy jetkiliksiz. MÁMS-ke baǵyttalatyn aýdarymdar barlyq problemalardy sheshpeıdi.
Úshinshi problema – halyq MÁMS júıesine jetkilikti túrde tartylmaı jatyr. Halyqty tartýmen aınalysatyn ókiletti organ belgilenbegen.
Tórtinshi – sıfrlandyrý deńgeıi óte tómen. Biz osy suraqtardy sheshýdemiz.
Problemalardyń alǵashqy úsheýi ózara baılanysty jáne olar zańnamalyq ózgertýlerdi qajet etedi. Shyn máninde medısınalyq saqtandyrý júıesi paıdaly ári qajet», - dedi Sqaqov.