2024 jylǵy 28 mamyrda Qazaqstan Respýblıkasy Ulttyq qaýipsizdik komıteti Shekara akademıasynyń bastyǵy general-maıor Polıvanov Pavel Konstantınovıch pen elimizdegi jetekshi oqý oryndarynyń biri Qazaq bas sáýlet-qurylys akademıasynyń rektory Imandosova Margarıta Bolatqyzy ekijaqty yntymaqtastyq týraly memorandýmda kelisimshartqa qol qoıdy, dep habarlaıdy almaty-akshamy.kz.
Taraptar qujatqa qol qoımas buryn bir-birin strategıalyq áriptester retinde qabyldap pikir almasty. Ózderi basshylyq etetin oqý ordasynyń múmkindikteri men jetistikterin sóz etti. Endi aldaǵy ýaqytta ekijaqty kelisimniń arqasynda stýdentter men kýrsanttar bir-birimen emen jarqyn aralasyp, barys kelis pen alys beris nyǵaıa túsedi. 
Shekarashylardy qarsy alǵan atalmysh oqý ornynyń prorektory Bahtıar Sabdenalıev oqý ordasynyń qysqasha tarıhyna toqtalyp, tynys-tirshiligin egjeı-tegjeıli áńgimelep berdi. Sodan keıin oqý korpýsynyń astynda ornalasqan birqatar zerthanalardy aralatyp, ondaǵy qurylys barysynda paıdalanatyn zamanaýı tehnologıalarmen tanystyrdy. Ásirese, «Seısmıkalyq flatforma. Seısmıkalyq áserlerdi zertteý» zerthanasyndaǵy stýdentter men magıstranttardyń oılap tapqan jasandy jer silkinisine salynyp jatqan ǵımarattyń qanshalyqty tótep beretinin kórýge bolatyn qurylǵy áskerı qyzmetshilerdi qatty qyzyqtyrdy. Sonymen qatar, qalypqa quıylǵan betonnyń tózimdiligin, esik-terezelerdiń sapasyn qabyrǵa temirleriniń beriktigin baqylaıtyn zerthanalar da sáýlet-qurylys akademıasynyń kórkin qyzdyryp tur.
Aıta ketý kerek, Almaty Qazaq sáýlet-qurylys akademıasynyń ózindik tarıhy bar, elimizge sáýlet, qurylys mamandaryn daıarlaý salasyndaǵy eńseli oqý orny. Bul jerden elimizge tanymal kóptegen sáýletshi mamandar shyqqan.