Bul aldyńǵy jyldarǵa qaraǵanda áldeqaıda kóp.
Alǵashqy úsh aıda MÁMS júıesi aıasynda 835 ekstrakorporaldy uryqtandyrý sharasy oryndaldy, dep habarlaıdy Almaty-akshamy.kz qor saıtyna silteme jasap.
Áleýmettik medısınalyq saqtandyrý qory 2022 jyly 6,68 mlrd teńgege 7 000 EKU sıklyn qarjylandyrýdy kózdedi. İ toqsanda 824,6 mln teńgege ekstrakorporaldyq uryqtandyrýdyń 835 rásimi oryndaldy. Bul aldyńǵy jyldarǵa qaraǵanda áldeqaıda kóp. 2020 jyldyń İ toqsanynda 59, 2021 jyldyń İ toqsanynda 526 sıkl shyǵarylǵan. Aıta ketý kerek, jylyna bir ret MÁMS boıynsha EKU prosedýrasynan tegin ótýge bolady.
MÁMS júıesinde EKU júrgizý aldynda erli-zaıyptylardy tekserý kólemi kózdelgen tizbege sáıkes júzege asyrylady. Áleýmettik medısınalyq saqtandyrý qorynan atap ótkendeı, ekstrakorporaldyq uryqtandyrý prosedýrasy - joǵary tehnologıalyq medısınalyq qyzmetterge jatady jáne qymbat turady. Buǵan deıin ol tegin medısınalyq kómektiń kepildik berilgen kólemi sheńberinde júrgizilgen bolatyn. Alaıda, qarjylandyrý kólemi az boldy, jylyna shamamen 900-1000 kvota bólindi.
Al, 2021 jyly QR Prezıdenti Qasym-Jomart Toqaevtyń tapsyrmasy boıynsha Qazaqstanda «Ańsaǵan sábı» baǵdarlamasy júzege asyryla bastady. Bul kvota sanyn 7 esege – jylyna 7 000-ǵa deıin arttyrýǵa múmkindik berdi. Elimizdiń 9 óńirinde 19 medısınalyq uıym (onyń 18-i – jekemenshik) EKU prosedýrasyn atqarady. Pasıent klınıkany óz betinshe tańdaýǵa quqyly. EKU-ǵa joldama alý úshin bekitilgen jeri boıynsha emhanaǵa júginý qajet.