1 shildege deıin sıfrlyq teńgeni engizýdiń metodıkasy bekitiledi.
QR Ulttyq bankiniń tóraǵasy Ǵalymjan Pirmatov elimizde sıfrlyq teńgeni engizýge qatysty sheshim jyl sońyna deıin qabyldanatynyn aıtty, dep habarlaıdy Almaty-akshamy.kz.
«Sıfrlyq teńgeni engizýde aýqymdy sharýany qolǵa aldyq. Osy maqsatta halyqaralyq valúta qory jáne damyǵan elderdiń ortalyq bankterimen tyǵyz áriptestikte jumys istep jatyrmyz. Taıaýda ǵana bizdiń komanda Vashıngtonǵa baryp, halyqaralyq valúta qory ókilderimen kezdesip ótkizip, atqarylǵan jumys pen josparymyzdy tanystyrdyq», - dedi Ǵalymjan Pirmatov.
Onyń aıtýynsha, sıfrlyq teńgege qatysty sheshilýi tıis tehnıkalyq tustary bar.
«Bıyl 1 shildege deıin sıfrlyq teńgeni engizýdiń metodıkasy bekitemiz. Al jyl sońyna deıin naqty engizý týraly sheshim qabyldaıtyn bolamyz. Atalǵan sheshimdi qabyldaýda tehnıkalyq oryndaý ýaqytty talap etedi. Degenmen jyl aıaǵyna deıin sheshimin tabady. Bul baǵyttaǵy jumys jalǵasyp jatyr», - deıdi ol.
Eske sala ketsek, ótken jyly Prezıdent Qasym-Jomart Toqaev bolashaq qarjy júıesiniń negizine aınalýy múmkin sıfrlyq teńge engizý máselesin qarastyrǵan jón ekenin aıtqan edi .