Májilis depýtattary keıbir zańnamalyq aktilerge múmkindigi shekteýli jandardyń ómir súrý sapasyn jaqsartý máseleleri boıynsha túzetýlerdi birinshi oqylymda maquldady.
Zań jobasynda múgedekterge qatysty kemsitýshilikke jol bermeý maqsatynda birqatar normalar qarastyrylǵan, dep habarlaıdy Almaty-akshamy.kz
Sondaı-aq zań jobasynda taksı kompanıalary árbir on taksıge múmkindigi shekteýli jandarǵa beıimdelgen bir taksı berýi tıis degen túzetýdi usynady. Qazirgi ýaqytta qoldanystaǵy zańnamaǵa sáıkes taksı kompanıalary árbir 30 taksıge osyndaı taksı usynýy kerek. Turaqty baǵyttar boıynsha múgedekterdi tasymaldaýǵa beıimdelgen avtobýstardy satyp alýǵa ózgerister engizildi.
Sonymen qatar, endi múgedek balany sanatorlyq-kýrorttyq emdeýge alyp baratyn ata-anasynyń birine nemese zańdy ókiline negizgi qajettilikter – jatyn oryn, tamaq jáne tósek-orynnyń qunyn óteý usynylyp otyr. Bul bastama az qamtylǵan jáne shalǵaı eldi mekenderden shyqqan múmkindigi shekteýli balalardy kýrorttyq emdeýdi keshendi túrde qamtamasyz etedi.