2025 jyl Qazaqstanda Jumysshy mamandyqtary jyly dep jarıalandy, bul el ekonomıkasy úshin jumysshy kadrlaryn daıarlaýdyń mańyzdylyǵyn kórsetedi. Jumysshy mamandyqtary suranysqa ıe bolyp qana qoımaı, sonymen qatar jastar úshin keń múmkindikter ashatyn bedeldi jumys bolyp tabylady. Osy jyldyń aıasynda Astanadaǵy EXPO alańynda mektep oqýshylary, stýdentter, jumys berýshiler, bilim berý salasynyń ókilderi men memlekettik organdardyń basyn qosatyn «Jumysshy mamandyqtarynyń qalasy» festıvali ótýde.
Festıvál aıasynda taý-ken jáne metalýrgıa, mashına jasaý jáne kólik, agrarlyq sektor jáne sý resýrstary, qurylys, bolashaqtyń kásipteri, sondaı-aq qutqarý, órt sóndirý jáne týrısik aımaqtar sıaqty túrli salalardyń taqyryptyq kósheleri kórsetiledi.
Festıvál qonaqtaryna túrli is-sharalar usynylady: semınarlar, munaı jáne energetıka salasy boıynsha hakatondar, kásipter sherýi, bos jumys oryndary jármeńkesi, startap prezentasıalary, mashına jasaý boıynsha sheberlik sabaqtary, konsertter, halyqaralyq akkredıttelgen kolejderden trenıńter, Qazaqstan boıynsha vırtýaldy týrlar.
«Jumysshy mamandyqtarynyń qalasy» festıvali bul jastarǵa jumysshy mamandyqtarynyń alýan túrliligimen tanysýǵa, praktıkalyq tájirıbe jınaqtaýǵa jáne áleýetti jumys berýshilermen jáne bilim berý uıymdarymen baılanys ornatýǵa biregeı múmkindik bolyp tabylady. İs-sharaǵa kirý tegin jáne árbir adam kásibı damýdyń jańa múmkindikterin asha alady.
Festıválde Týrızm jáne qonaqjaılylyq ındýstrıasy kolejiniń stýdent-gıdteri qonaqtardy ertip júrýde jáne ekskýrsıalyq baǵdarlamalardy uıymdastyrýda basty ról atqarady. Olar qatysýshylarǵa is-sharada baǵdarlanýǵa, týrızm ındýstrıasy týraly bilimderimen bólisýge jáne jaıly atmosferany qurýǵa kómektesedi. Olardyń arasynda: Abylgazına Aıym, «Týrızm» mamandyǵynyń 1 kýrs stýdenti jáne Bolathan Sýltan, «Týrızm» mamandyǵynyń 4 kýrs stýdenti. Aıym: «Festıvál shynaıy kásibı ortany kórýge, baılanys ornatýǵa jáne úzdik mamandardan tájirıbe alýǵa múmkindik beredi», - dep atap ótti. Sultan: «Biz qonaqtarmen jaı ǵana erip júrip qana qoımaı, týrızm ındýstrıasynda gıd jumysynyń qanshalyqty mańyzdy jáne qyzyqty ekenin kórsetemiz» deıdi. Biz joǵary daıyndyq deńgeıin kórsetken stýdentterimizdi maqtan tutamyz jáne Qazaqstandaǵy jumysshy mamandyqtaryn damytýǵa yqpal etetin jańa is-sharalardy kútemiz!
Festıváldiń jańashyldyqtarynyń biri bizdiń kolej uıymdastyrǵan týrısik VIAR-zona boldy, onda qatysýshylar Qazaqstan boıynsha vırtýaldy saıahattar álemine enip, týrızmdegi ozyq tehnologıalarmen tanysa aldy.
Týrızm jáne qonaqjaılylyq ındýstrıasy koleji dırektorynyń orynbasary retinde men mundaı bastamalarǵa qatysý stýdentterimizdiń mańyzdy daǵdylardy meńgerip qana qoımaı, el ekonomıkasynyń damýyna zor úles qosýǵa múmkindik beretinine senimdimin. Biz zamanaýı eńbek naryǵynyń qıyndyqtaryna daıyn mamandardy daıyndap jatyrmyz jáne Jumysshy mamandyqtarynyń jyly osy jolda mańyzdy qadam bolatynyna senimdimiz.