Tanymal ziltemirshi Almas Óteshovtiń keıingi taǵdyry kópshilikti alańdatqany belgili.
Ásirese, sportshynyń áriptesimiz Nurseıit Jylqyshybaıǵa bergen suhbatynan keıin bul taqyrypqa degen qoǵamnyń nazary arta tústi. Bul týraly Aqshamnews.kz saıty habarlaıdy.
Syr elinen qoldaý: Almas Óteshov qaıta qatarǵa qosyla ma?
Jýyrda Qyzylorda oblysynyń ákimi Nurlybek Nálibaev aımaqtyń sport basqarmasynyń basshysy Bahtıar Artaevqa Almas Óteshovke qoldaý bildirýdi tapsyrdy. Óz kezeginde Bahtıar Artaev aýyr atletpen arnaıy kezdesip, onyń aldaǵy josparlaryn talqylady. Ózi de sportshy bolǵandyqtan, Bahtıar Ǵarıfollauly Almasqa jan-jaqty qoldaý kórsetýge nıetti ekenin jetkizdi.
Almas Óteshovtiń basty suranystarynyń biri – kezinde ózine berilgen páterdi jekeshelendirý. Qazirgi tańda bul máseleni zańgerler qarastyryp, quqyqtyq joldaryn zertteýde. Qyzylorda qalasynyń ákimi Nurjan Ahatov ta bul máselege nazar aýdaryp, zań aıasynda kómektesýge daıyn ekenin málimdedi.
Jańa jumys – jańa múmkindik
Kásipqoı sporttan keıingi basty máselelerdiń biri – turaqty jumys tabý. Almas Óteshovke Qyzylordadaǵy sport mektepterinen 1,5 stavka kóleminde jattyqtyrýshy qyzmeti usynylǵan. Alaıda, sportshy óziniń múmkindikterin eskere otyryp, ádiskerlik qyzmet atqarǵysy keletinin bildirgen. Osyǵan baılanysty, "Qaısar" fýtbol klýbynyń dırektory Talǵat Abdyǵappar Almasty qabyldap, oǵan qyzmet usyndy.
Bul – búginniń sheshimi. Al erteńgi kúnniń qalaı órbıtini Almas Óteshovtiń óz qolynda. Ótkennen sabaq alyp, jańa múmkindikterdi tıimdi paıdalana bilse, Syr óńiri óz talantty sportshysyn eshqashan syrtqa teppeıdi.