Bir aıda 613,7 mlrd teńgege ulǵaıǵan.
2022 jylǵy 1 maýsymdaǵy jaǵdaı boıynsha, salymshylardyń zeınetaqy jınaqtary bir aıda 613,7 mlrd teńgege nemese 4,8%-ǵa ulǵaıyp, 13 384,5 mlrd teńgeni qurady, dep habarlaıdy Almaty-akshamy.kz.
«2022 jyldyń maýsym aıynda zeınetaqy aktıvterin ınvestısıalaýdan túsken taza tabys 505,4 mıllıard teńgege, 2022 jyldyń 1 shildesindegi jaǵdaı boıynsha 7 246,6 mıllıard teńgege deıin artty», - delingen Ulttyq banktiń baspasóz qyzmetiniń habarlamasynda.
Mindetti zeınetaqy jarnalary boıynsha salymshylardyń jeke zeınetaqy shottarynyń sany (zeınetaqy jınaqtary joq JZSH-ny eskere otyryp) 2022 jylǵy 1 shildedegi jaǵdaı boıynsha 10,9 mıllıon shotty qurady.
Maýsym aıynda zeınetaqy tólemderiniń somasy 36,7 mıllıard teńgeni qurady.
2022 jylǵy 1 shildedegi jaǵdaı boıynsha, BJZQ jıyntyq ınvestısıalyq portfeliniń negizgi úlesin QR Memlekettik baǵaly qaǵazdary men QR emıtentteriniń memlekettik emes baǵaly qaǵazdary (zeınetaqy aktıvteriniń jalpy kóleminiń tıisinshe 42,6% jáne 21,4%) quraıdy.