Budan buryn qanttyń qymbattyǵynan kásipkerlerdiń bankrotqa ushyraýy múmkin ekenin habarlaǵanbyz.
Nur-Sultan, Almaty jáne Shymkent qalalaryna qosymsha qant jóneltiledi, dep habarlaıdy Almaty-akshamy.kz
Aýyl sharýashylyǵy mınıstrliginde Saýda jáne ıntegrasıa mınıstrligi, elorda ákimdigi jáne Qoǵamdyq tamaqtaný qaýymdastyǵy ókilderiniń qatysýymen bıznes sýbektilerin qanttyń qajetti kólemimen qamtamasyz etý máseleleri boıynsha kezdesý ótti.
Buǵan deıin Qoǵamdyq tamaqtaný qaýymdastyǵy qantpen qamtamasyz etýdegi qıyndyqtarǵa baılanysty kásiporyndar bankrotqa ushyraýy múmkin ekenin málimdegen bolatyn.
«Talqylaý qorytyndysy boıynsha, shaǵyn jáne orta bıznesti qosymsha qoldaý jáne qoǵamdyq tamaqtaný obektileriniń ındýstrıalyq qant qajettiligin tolyq qamtamasyz etý týraly sheshim qabyldandy», - dep jazdy Rrimeminister.kz saıty.
Búgin qoǵamdyq tamaqtaný obektilerine qajet qanttyń kólemi aıqyndalady.
Birinshi kezeńde halyq sany neǵurlym kóp úsh óńirge myń tonnadan astam qant jetkiziledi.
«Aýyl sharýashylyǵy mınıstrligi qanttyń qosymsha kólemin Nur-Sultan, Almaty jáne Shymkent qalalaryna jóneltedi. Osy qalalardaǵy shaǵyn bıznes ókilderi qanttyń qajetti kólemin ala alady. Sondaı-aq Qaýymdastyq basqa qalalar boıynsha tizim jasap, qajetti qant kólemin esepteıdi. Bul oraıda Qaýymdastyq pen ákimdikter atalǵan qantty berý algorıtmin ázirleıdi», - dedi Aýyl sharýashylyǵy vıse-mınıstri Jeńis Óserbaı.