Ótken jylmen salystyrǵanda 37 myń adamǵa kóp.
Qazaqstan Úkimeti memleketimizde jumys kúshiniń kóbeıgenin aıtyp otyr. Ótken jylmen salystyrǵanda 0,4%-ǵa kóbeıgen, dep habarlaıdy Almaty-akshamy.kz.
«2022 jyldyń birinshi toqsanynyń qorytyndysy boıynsha jumys kúshiniń sany 7,1 myń adamǵa nemese 0,1%-ǵa kóbeıdi jáne 9,3 mıllıonǵa jetti. Byltyrǵy kezeńmen salystyrǵanda jumys kúshiniń 37 myń adamǵa nemese 0,4%-ǵa kóbeıgenin baıqaýǵa bolady», - delingen Eńbekmıni taratqan aqparatta.
Jumyspen qamtylǵandar sany bir jylda 35,2 myń adamǵa ulǵaıdy. Sonymen qatar toqsandyq jáne jyldyq dınamıkada jumyspen qamtýdyń negizgi ósýi negizinen jaldamaly jumyskerler sanynyń ósýimen baılanysty.
«Toqsan ishinde jaldamaly jumyskerlerdiń sany 16,4 myńǵa (+0,2%) artyp, 6 mln 773,5 myń adamǵa jetti. Bul rette ózin-ózi jumyspen qamtyǵandardyń sany kerisinshe 12,1 myńǵa (-0,6%) qysqardy (2 mln 82,8 myń adam). Jyldyq dınamıkada jaldamaly qyzmetkerler sanynyń absolúttik ósimi (4,4 myń) ózin-ózi jumyspen qamtyǵandardyń ósiminen 7 ese asyp tústi – 30,8 myń adam. Ózin-ózi jumyspen qamtyǵan azamattar sanynyń qysqarýy nátıjeli ózin-ózi jumyspen qamtýdyń 11 myń adamǵa (-0,6%), sondaı-aq ónimsiz ózin-ózi jumyspen qamtýdyń 1,1 myń adamǵa (-0,6%) tómendeýi esebinen boldy», – dedi «Eńbek resýrstaryn damytý ortalyǵy» AQ Basqarýshy dırektory Aleksandra Molchanovskaıa.
Salalar bólinisinde, osy jyldyń 1-shi toqsanynyń qorytyndysy boıynsha, qyzmetkerlerdiń basym bóligi aýyl sharýashylyǵynda (12,7%), ónerkásipte (12,4%), saýdada (16,6%) jáne bilim berýde (12,8%) jumys isteıdi. Jyldyq kezeńde jumyspen qamtylǵandardyń eń kóp ósýi densaýlyq saqtaý jáne áleýmettik qyzmet kórsetý (+3%), aqparat jáne baılanys (+2,9%), kásibı, ǵylymı jáne tehnıkalyq qyzmet (+2,6%), memlekettik basqarý (+2,15%) salalarynda baıqalady. Osyǵan uqsas kezeńde jumyspen qamtýdyń tómendeýi aýyl sharýashylyǵy (-2,7%), óner, oıyn-saýyq jáne demalys (-2,4%), ákimshilik qyzmet kórsetý salasyndaǵy qyzmet (-2,1%) jáne jyljymaıtyn múlikpen operasıalar (-1,9%) salasynda baıqaldy.
«Sonymen qatar, qashyqtan jumys isteıtin jumyspen qamtylǵandardyń sanyn arttyrý úrdisi saqtalýda. Osy jyldyń birinshi toqsanynda olardyń sany ótken toqsanmen salystyrǵanda 2,2 ese, ıaǵnı 53,6 myń adamǵa deıin ulǵaıdy. Alaıda bir jyldyq kezeńde bul kórsetkish 27,3%-ǵa tómendedi, óıtkeni 2021 jyldyń basynda COVID-19 pandemıasyna baılanysty shekteýler áli de boldy.«Qashyqtaǵy» jumyskerlerdiń sany boıynsha Shyǵys Qazaqstan oblysy (27,3%) jáne Nur-Sultan qalasy (21,4%) alda keledi. Máselen, SHQO-da qashyqtan jumyspen qamtý bir jylda 73 ese, 200 adamnan 14,6 myń adamǵa deıin, al Nur-Sultan qalasynda 3,7 ese ósip, 11,5 myń adamǵa jetti», – dedi Aleksandra Molchanovskaıa.
Sarapshy sondaı-aq ortasha aılyq nomınaldy jalaqynyń dınamıkasy týraly aıtyp berdi. Máselen, Ulttyq statısıka búrosynyń derekteri boıynsha bul kórsetkish 2022 jyldyń birinshi toqsanynda 285,4 myń teńge bolǵan. Bul aldyńǵy toqsanmen salystyrǵanda 9,8 myń teńgege kóp.
«Toqsandyq kezeńde nomınaldy mán boıynsha ósim Nur-Sultan (-6,4%) jáne Almaty (-0,5%) qalalarynan, sondaı-aq Almaty oblysynan (-1,9%) basqa barlyq óńirde baıqaldy. Eń tómengi jalaqy Soltústik Qazaqstan oblysynda tólenedi – 203,4 myń teńge, bul respýblıka boıynsha ortasha kórsetkishten 28,8%-ǵa tómen.Ádettegideı eń kóp jalaqy qarjy jáne saqtandyrý qyzmeti (521,1 myń teńge) jáne kásibı jáne ǵylymı qyzmet (416,4 myń teńge) salalarynda baıqalady. Aýyl sharýashylyǵy men óner jáne oıyn-saýyq salasynyń qyzmetkerleri eń az tabys tabady», - dep habarlady «ERDO» AQ Basqarýshy dırektory.
Ulttyq statısıka búrosynyń málimeti boıynsha, osy jyldyń birinshi toqsanynyń qorytyndysy boıynsha jumyssyzdar sany 453,1 myńnan asty. Ótken toqsanmen salystyrǵanda, olardyń sany 2,7 myń adamǵa (+0,6%), al ótken jyldyń uqsas kezeńimen salystyrǵanda, 1,9 myń adamǵa (+0,4%) artty. Genderlik bóliniste jumyssyz azamattardyń 54%-y áıelder, 46%-y erler.
Sonymen qatar jumyssyzdyq deńgeıi 4,9% deńgeıinde saqtaldy jáne sońǵy jyly solaı bolyp qala berdi. Aıta ketý kerek, jastar arasyndaǵy jumyssyzdyq deńgeıi ótken jyldyń aıaǵynan bastap 3,7%-dan 3,9%-ǵa deıin ósti, al áıelder arasyndaǵy jumyssyzdyq deńgeıi, kerisinshe, 5,4%-ǵa deıin qysqardy.
Óńirlik bóliniste jumyssyzdyq deńgeıi ortasha respýblıkalyq deńgeıden Túrkistan (5,2%) jáne Jambyl oblystarynda, Almaty jáne Shymkent qalalarynda (5,1%) joǵary.
Bul rette sáýir aıynyń basynda tirkelgen jumyssyzdar sany 174 myń adam nemese 1,9%-dy qurady. Sonymen qatar, jumyssyzdyqtyń joǵary deńgeıi Mańǵystaý (4,2%), Túrkistan (3,9%), Qyzylorda (3,7%) jáne Batys Qazaqstan oblystarynda (3,5%) tirkelip otyr.