Arnaıy monıtorıń júrgiziledi.
Qazaqstan Aýyl sharýashylyǵy vıse-mınıstri Jeńis Óserbaı áleýmettik mańyzy bar azyq-túlik qory týraly aıtyp berdi, dep habarlaıdy Almaty-akshamy.kz QazAqparatqa silteme jasap.
«Mınıstrlik apta saıyn ishki naryqty azyq-túlik taýarlarymen qamtamasyz etý monıtorıńin júrgizedi. Ákimdikterdiń jedel derekterine sáıkes, 12 naýryzdaǵy jaǵdaı boıynsha respýblıkada barlyǵy 1,3 mln tonna áleýmettik mańyzy bar azyq-túlik bar, onyń ishinde 144 myń tonna un, 90 myń tonna qant, 39,3 myń tonna kúrish, 21 myń tonna makaron jáne shamamen 900 myń tonna kókónis ónimderi, taǵy basqalary bar. Azyq-túlik qory jańartylady jáne qajettiligine qaraı kún saıyn tolyqtyrylyp turady», - dedi spıker Ortalyq komýnıkasıalar qyzmetinde ótken baspasóz máslıhatynda.
Sonymen birge Jeńis Óserbaı respýblıkada jarma, un jáne basqa da taýarlar óndirý úshin shıkizat, et jáne sút ónimderin óndirý úshin mal basy jetkilikti ekenin atap ótti.
«Azyq-túlik taýarlarynyń barlyq derlik túri boıynsha halyq qajettiligi óz óndirisi esebinen qamtamasyz etiledi, al keıbirinde óndiris qajettilikten aıtarlyqtaı asady. Mysaly, jyl saıyn orta eseppen 3 mln tonnadan astam un óndiriledi, al tutyný kólemi – 1,6 mln tonna, kúrish óndirisi de 200 myń tonnany quraıdy, al qajettilik – 95 myń tonna. Osylaısha, óndiristiń qazirgi qarqyny saqtalsa jáne tutynýdyń dástúrli kólemderin eskere otyryp, elde azyq-túlik tapshylyǵynyń týyndaýy úshin negiz joq ekenin habarlaımyz», - dedi Jeńis Óserbaı.