Almaty polısıasy “Oqıtyn departament” chellendjin bastady
Naýqan Almaty qalasy PD-nyń barlyq bólimshelerin qamtıdy. Chellendj Áýezov aýdandyq polısıa basqarmasynda bastaldy. Jeke quram bos ýaqytynda jazýshy Aleksandr Bektiń “Volokolamsk tas joly” kitabyn oqyp shyqty, dep habarlaıdy Almaty-akshamy.kz Polisia.kz-ke silteme jasap.
Belgili bolǵandaı, polısıa qyzmetkerleriniń kópshiligi bul shyǵarmany birneshe ret oqyp úlgergen. Tártip saqshylary árbir oqyǵan saıyn olardyń shyǵarma keıipkerlerinen jańa emosıalar jáne áserler alatynyn atap ótti.
«Maqsat – jeke quramnyń rýhanı damýy. Qarbalas jumys kestesiniń arasynda biz súıikti kitaptarymyzdy, jańa, ózekti shyǵarmalardy oqýǵa ýaqyt pen múmkindik taba almaıtynymyzdy moıyndaý kerek. Chellendj bir rettik naýqan emes ekendigin aıta óteıin. Budan bylaı jaýyngerlik jáne qyzmettik daıyndyqqa "kitaphana saǵattary" engiziletin bolady. Al aldaǵy ýaqytta bizdiń departamenttiń ishinen kórkem, klasıkalyq, derekti jáne arnaýly ádebıetterdiń mol muraǵaty bar kitaphana ashý josparlanýda», – dedi Almaty qalalyq polısıa departamenti bastyǵynyń orynbasary Oljas Myrzabekov.