Qańtardyń 25 kúni Almaty jáne Qazaqstannyń birneshe óńiri jaryqsyz qaldy.
«KEGOC» AQ 25 qańtarda Qazaqstannyń ońtústik oblystarynda jaryqtyń sóndirilý sebepteri týraly aıtty, dep habarlaıdy Almaty-akshamy.kz Egemen.kz silteme jasap.
«2022 jylǵy 25 qańtarda saǵat 11:59-da Ózbekstanda qysqa tuıyqtalý saldarynan Syrdarıa JES-tegi alty energıa blogy generasıasynyń jıyntyq shyǵyny 1500 MVt-tan asty. Ózbekstannyń energıa júıesinde paıda bolǵan qýat tapshylyǵy Ózbekstan men Qyrǵyzstannyń energıa júıelerimen qatar jumys isteýge qosylǵan Qazaqstannyń energıa júıesinen qýatty sanksıalanbaǵan irikteýge alyp keldi», - delingen kompanıa habarlamasynda.
Operatordyń málimetinshe, energetıkalyq jabdyqtyń búlinýine jol bermeý jáne eldiń ońtústik oblystaryn avtomatıka áreketimen tolyq óteý maqsatynda Almaty, Jambyl, Túrkistan jáne Qyzylorda oblystaryn oqshaýlanǵan jumysqa aýystyra otyryp, tranzıt bólindi.
«Oryn alǵan apat sıfrlyq maınıngti júzege asyratyn tutynýshylardyń qyzmetimen baılanysty emes ekenin atap ótý qajet», - dep qosty «KEGOC» AQ-da.
Baspasóz qyzmeti tapshylyqtyń paıda bolýynyń negizgi faktorlary elektr stansıalaryndaǵy avarıalardyń joǵary bolýy jáne ótken jyly 6%-dan asyp ketken elektr energıasyn tutynýdyń aıtarlyqtaı ósýi bolyp tabylatynyn, bul sońǵy jyldardaǵy kórsetkishterden úsh ese kóp ekenin atap ótti.
Máselen, 2020 jyly elektr energıasyn tutynýdyń ósimi 2%-dy, al 2019 jyly 1,9%-dy qurady.
Eske sala ketsek, 25 qańtarda Almatyda jáne Qazaqstannyń birneshe óńiri jaryqsyz qaldy. Qazaqstanmen shekaralas memleketterde jaryq problemalary baıqaldy.