Onyń ishinde 85 paıyzy - jumyssyzdar.
2021 jyldyń on eki aıynda elimizde «urlyq» baby boıynsha 57,5 myń qylmystyq quqyqbuzýshylyq tirkelgen, bul ótken jylmen salystyrǵanda 14,5%-ǵa az, dep habarlaıdy Almaty-akshamy.kz Energyprom.kz saıtyna silteme jasap.
Qazaqstan Respýblıkasynda sońǵy bes jylda urlyq jyldan jylǵa azaıyp keledi. Máselen, 2020 jylǵy qańtar-jeltoqsanda urlyq sany 51,7%-ǵa azaıyp, 67,3 myń bolsa; bes jyl buryn, 2017 jyly - 10,4% -ǵa azaıyp, 193,2 myń bolǵan.
2021 jyly quqyqbuzýshylyq salasyndaǵy qylmystyń 5,2 myńy páter urlyǵy bolsa, 1,8 myńy qaltaǵa túsý boldy. Sondaı-aq 13,5 myń uıaly telefon urlyǵy, 4 myń kólik urlyǵy, 889 tústi metal urlyǵy tirkeldi.
Óńirlik turǵydan alǵanda, barlyq urlyqtyń 20,8%-y Almaty qalasynda tirkelgen: 12 myń qylmys – bul bir jyl burynǵydan 18,2%-ǵa az. Sondaı-aq qylmystyq «kóshbasshylyqtyń» alǵashqy úshtigine elorda (5,4 myń, jylyna 15,1%-ǵa artyq ) jáne Almaty oblysy (4,9 myń jaǵdaı, jylyna 13%-ǵa kem ) kiredi.
Urlyqtyń eń azy tirkelýi Mańǵystaý oblysynda: 851 fakt, jylyna 11,2% -ǵa kem.
Mundaı qylmystar sanynyń eń kóp ósimi elordada (26,4%-ǵa artqan) tirkelse, kóbirek kemigeni Túrkistan oblysynda (1,2 myń quqyq buzýshylyqqa deıin) baıqaldy.
2021 jyly jeke tulǵalarǵa qatysty 51,9 myń, zańdy tulǵalarǵa 3,1 myń urlyq jasalǵan. 9 qylmystyń kesirinen jábirlenýshi qaıtys bolǵan.
Urlyq jasaýshylardan 25,6 myń áıel, 2,1 myń zeınetker, 362 stýdent, 174 kámeletke tolmaǵan bala, 25 múgedektigi bar adam, 3 sottalýshy zardap shekken.
2021 jyldyń 12 aıynyń qorytyndysy boıynsha «urlyq» babymen ustalǵan 21,6 myń adam qylmystyq quqyq buzýshylyq jasaǵan, bul ótken jylmen salystyrǵanda 24,8%-ǵa az. Onyń ishinde 85,2% jumyssyz, ıaǵnı 18,4 myń adam. Sondaı-aq «urlyq» babymen ustalǵandardyń ishinde 1,2 myń jumysshy, 433 stýdent, 52 jeke kásipker, 20 memlekettik qyzmetshi bar.
