Egistiń jaǵdaıy jaqsy.
Qazaqstandyq mamandar kúzdik daqyldardyń qystaýdy aıaqtaý úshin meteorologıalyq jaǵdaılar qanaǵattanarlyq bolǵanyn aıtyp otyr, dep habarlaıdy Almaty-akshamy.kz Eldala.kz silteme jasap.
Naýryzdyń birinshi onkúndiginde respýblıkanyń ońtústiginde, ońtústik-shyǵysynda kúzdik daqyldar ósiriletin aýdandarda temperatýralyq jaǵdaı negizinen normadan 1 ... 9s joǵary boldy, batysta 2...4s, jaýyn-shashyn normadan kóp tústi. Jalpy, kúzdik daqyldardy qystaýdy aıaqtaý úshin meteorologıalyq jaǵdaılar qanaǵattanarlyq boldy. Bul týraly «Qazgıdromettiń» naýryz aıynyń birinshi onkúndiginde agrometeorologıalyq sholýynda habarlandy.
Túrkistan oblysyndaǵy baqylanatyn ýchaskelerde kúzdik daqyldardyń vegetasıalyq jańarýy baıqalady. Kúzdik bıdaıdyń damý kezeńi "kóshetter"-"3-shi japyraq", ósimdikterdiń bıiktigi 4-17 sm.
«Egistiń jaǵdaıy jaqsy dep baǵalanady, ósimdikterdiń ortasha sany 1 m2-ge 148-332 danaǵa jetedi. Jońyshqa shópteriniń jaı-kúıi negizinen jaqsy, Báıdibek aýdanyndaǵy Bógen jáne Ekpindi agrobeketıeriniń mańaıynda "sabaǵynyń ósýi" damý fazasy qanaǵattanarlyq. Jońyshqa shópteriniń bıiktigi 5 sm-ge deıin jetti», - dep habarlaıdy «Qazgıdromet».
Almaty oblysynda kúzdik bıdaıdyń túpteý torabynyń tereńdiginde (3 sm) topyraqtyń eń tómengi temperatýrasy 0°S-dan mınýs 2°S-ǵa deıin, Jambyl oblysynda 0°S jáne Túrkistan oblysynda plús 1...4°S qurady.